Posible nga nabiyaan si Doña Josefa Marcos, inahan sang diktador, tungod sa iyang katigulangon; sa wala pa magsugod ang 1986 revolution, siya 93 anyos na.

PANGANGKON: Gibiyaan ni anhing diktador Ferdinand Marcos Sr. ang iyang inahan nga si Josefa Edralin Marcos sa dihang gipalagpot siya sa katungdanan sa People Power Revolution niadtong 1986.

RATING: KUWANG OG KONTEKSTO


Tulo ka dekada human sa makasaysayanong Edsa revolution, ang mga Marcos nibalik sa Malacañang, nga giingong usa ka dakong hagit sa kasaysayan.

Mikatap na karon gikan sa social media users ug content creator ang tsismis nga gibiyaan ni Ferdinand Marcos Sr. ang iyang inahan sa dihang milayas sila sa Hawaii niadtong 1986.

Sa usa lang ka Facebook post ni Mark Rossimo, nikabat na ngadto sa  11,000 ang shares ug 1,600 ang mga comments.

Tinuod ang asoy nga nahibilin si Doña Josefa Edralin Marcos apan nagkinahanglan kini og dugang konteksto.

Sumala sa taho sa New York Times niadtong Marso 30, 1986, wala masayod si Doña Josefa nga ang iyang anak gipalagpot na sa “People Power Revolution”.

Dunay gibilin nga balayrunon ang kanhi presidente nga $57,250 alang sa iyang inahan. Gibayran kini sa administrasyon ni Cory Aquino pinaagi sa humanitarian basis, matod sa taho.

Ang laing prominenteng mantalaan sa Amerika, ang Los Angeles Times, adunay susamang taho nga gisulat sa United Press International.

Si Doña Josefa lagmit gibiyaan sa iyang edad; sa wala pa magsugod ang rebelyon sa 1986 siya 93 anyos. Paglabay sa duha ka tuig, namatay siya sa 1988.

“Ang mga higala sa gipalagpot nga Presidente nag-ingon nga ang inahan niya, namatay sa sa edad nga 93, huyang kaayo ang lawas… Hinuon, nagpabilin siya sa iyang nahimutangan sa miaging walo ka tuig, nga anaa sa Philippine Heart Center,” sumala sa taho sa Times niadtong Marso 1986.

Sa gibutyag ni Ruben Alabastro, reporter sa Associated Press, gisuginlan siya sa kanhi pangulo sa Philippine Heart Center nga si Dr. Esperanza Cabral nga bisan og walay sakit ang inahan ni Marcos Sr., niingon siya nga aduna kini “general degeneration associated with old age.”

Nagdali nga mibiya sa Malacañang niadtong Feb. 25, 1986 ang pamilyang Marcos human nanumpa si Marcos Sr. ug Aquino sa managlahing inagurasyon ug sa dihang gibawi sa mga Pilipino ang lingkoranan sa palasyo sa Malacañang sa Manila. (Gihubad ni Andrei Duran sa Filipino ug gihubad ni Ryan Christopher J. Sorote sa Bisaya)

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

FACT-CHECK: US has no military bases in the Philippines

FACT-CHECK: US has no military bases in the Philippines

An X user makes the false claim that the United States has five military bases in the Philippines.CLAIM:  The United States has five military bases in the Philippines. RATING: FALSE   An X user made the false claim that the United States has five military bases...

read more