Ang kontrobersyal nga direktor nga si Darryl Yap nasayop sa pag-ingon sa iyang Facebook page nga “Vincentiments” nga si kanhi Bise Presidente Maria Leonor “Leni” Robredo dili gayud executive.

Ang konteksto niini mao nga gidepensahan ni Yap ang desisyon ni Presidente Ferdinand “Bongbong” Marcos Jr, nga dili una mobisita sa Ilocos Sur nga gitay-og sa linog. Gitandi kini sa mga kritiko sa mga lihok ni Robredo, nga sagad mangunay sa mga dapit nga naigo sa katalagman.

Gipildi ni Marcos si Robredo niadtong Mayo nga presidential election.

Uyon si Yap sa giingon ni Marcos nga ang pagbisita sa usa ka taas nga opisyal makabalda lamang sa pagluwas ug pag-apod-apod sa mga hinabang, ug misaway pa si Robredo sa pagkuha og mga hulagway sa matag higayon nga mobisita siya sa mga dapit sa katalagman.

“Wala nakaamgo niini ang mga PINK kay wala man nahimong executive ang ilang lodi,” matod niya.

SAYOP si Yap tungod kay isip bise presidente, si Robredo nahimong kabahin sa Ehekutibo sa gobyerno, ug nangulo sa iyang buhatan, ang Opisina sa Bise Presidente, sa paghimo og mga proyekto ug programa, ug paggasto gikan sa budget sa gobyerno. Pananglitan niini mao ang Angat Buhay program nga gipadayon ni Robredo pinaagi sa usa ka NGO.

Ang mga bise-presidente nagsilbi ug unom ka tuig nga termino, mas taas pa sa mga termino sa lokal nga mga opisyal nga tulo lang ka tuig, nga maoy gipasabot nga executive ni Yap.

Si Robredo gitudlo usab isip tsirman sa Housing and Urban Development Coordinating Council sa kabinete ug executive position, ug milingkod gikan sa Hulyo hangtod Disyembre 2016, hangtod nga gitangtang siya ni kanhi Presidente Rodrigo Duterte tungod sa pagsupak sa paglubong ni kanhi diktador Ferdinand Marcos Sr. sa Lubnganan sa mga Bayani.

Ang bag-ong “enfant terrible” Filipino, kinsa adunay lapad nga impluwensya, ug nanghambog sa dul-an sa unom ka milyon nga Facebook supporters, mahimong mokonsulta sa Artikulo VII sa 1987 Constitution nga naghisgot sa Executive Department.

Atol sa kampanya, gidirekt ni Yap ang mubu nga video nga nag-feature ni Senador Imee Marcos, ang serye ni Len-len nga nag-atake sa pagkababaye ni Robredo ug sa iyang imahe sa publiko.

Wala nihunong si Yap ug gidirek usab niya ang “Maid in Malacanang” nga giingong nagsaysay sa tinuod nga nahitabo sa kataposang mga takna sa mga Marcos sa Palasyo sa wala pa sila milayas sa nasud paingon sa Hawaii niadtong 1986 Edsa People Power. (Gihubad ni Ryan Christopher J. Sorote sa Bisaya)

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

FACT-CHECK: US has no military bases in the Philippines

FACT-CHECK: US has no military bases in the Philippines

An X user makes the false claim that the United States has five military bases in the Philippines.CLAIM:  The United States has five military bases in the Philippines. RATING: FALSE   An X user made the false claim that the United States has five military bases...

read more