FACT-CHECK: Ang mga madre nga Carmelite sa Jaro, Iloilo wala mitan-aw sa ‘Maid in Malacañang’

CLAIM: Carmelite nga mga madre sa Jaro, Iloilo nitanaw sa “Maid in Malacañang”

RATING: BAKAK

Ang Vincentiments, ang Facebook page sa direktor sa pelikula nga si Darryl Yap, niangkon sa usa ka post nga duha ka Carmelite nga madre sa Jaro, Iloilo ang nitanaw sa iyang kontrobersyal nga pelikula nga “Maid in Malacañang.”

BAKAK kini.

Ang mga Carmelites sa Jaro, Iloilo ang nag-post sa ilang opisyal nga Facebook account nga ang mga madre nga naa sa litrato dili miyembro sa ilang komunidad ug wala usab sila nanganakon miyembro sa Carmelite Order.

Giklaro usab sa mga madre nga “wala nila gisuportahan ang bisan unsang pagtuis sa mga Kamatuoran, fake news ug mga tawo nga naggamit kanamo alang sa ilang kaugalingong kaayohan.”

Ang Discalced Carmelites sa Jaro, sama sa Discalced Carmelites sa Cebu, mga cloistered madre nga dili mogawas sa monasteryo aron motan-aw og sine.

Pipila lamang ang makagawas, sama sa prioress (ang superyor sa monastikong komunidad) ug ang mga madre nga “apil sa panggawas nga serbisyo sa monasteryo aron tugotan ang mga madre sa pagpabilin sa usa ‘contemplative’ nga paagi sa kinabuhi. ”

Sumala sa Artikulo 182 sa Konstitusyon sa mga Discalced Carmelites, ang “extern sisters” ra ang gitugotan nga mobiya sa monasteryo aron matuman nila ang ilang talagsaon nga bokasyon sa pagtuman sa “mga kinahanglanon sa gawas sa monasteryo” sama sa pagbayad sa mga bayranan, pagpalit sa mga butang ug mga groceries, ug uban pang susama nga mga buluhaton.

Ang Iloilo Metropolitan Times, sa Facebook post, giila ang duha nga naa sa hulagway, nga suot og brown nga habito, nga mga membro sa Missionaries of St. Therese (MST) of the Child Jesus (MST) sa lungsod sa Pavia, samang lugar diin nag-operate ang maong pamantalaan.  

Sa sayo pa, gisaway sa mga Carmelites sa Sugbo ang pelikula tungod sa pagpasabot niini nga nakigduwa sila og mahjong sa usa ka babaye nga nagsul-ob og yellow, nagtumbok sa anhing democracy icon nga si kanhi Presidente Cory Aquino.

Ang mga monastikong madre wala magdula og mahjong isip usa ka matang sa kalingawan. Gihimakak sa mga madre nga nagduwa sila og mahjong ni Aquino dihang nidangop siya sa ilang monasteryo atol sa 1986 EDSA People Power Revolution.

Gipaluyuhan nila Cebu Gobernador Gwen Garcia, kansang inahan kanunay nga nag-ampo kandidato sa monasteryo sa Carmelite, ug ang Conference of Major Superiors sa Pilipinas ang mga madre. – Rommel F. Lopez (Gihubad ni Ryan Christopher J. Sorote)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.