FACT-CHECK: Dili si Cardinal Tagle ang unang Asian Pope kon mapili siya sa posisyon

PANGANGKON: Kun mapili nga sunod nga Santo Papa, si Cardinal Tagle ang mahimong unang Asian Pontiff.

RATING: BAKAK

Ang Wanna Fact PH Facebook page, nga adunay pulong nga “One fact at a time. Inside story for Lifestyle, Politics and Trending news,” ni-post og social media card nga nanganakon nga kun mapili si kanhi Manila Archbishop Luis Antonio Cardinal Tagle isip sunod nga Santo Papa, siya ang unang papa gikan sa Asya.

Dili kini tinuod.

Ang Catholic Encyclopedia adunay listahan sa 266 ka Santo Papa sa Romano Katoliko’ng Simbahang. Ang Liber Pontificalis naglangkob sa mga biograpiya sa kanhing mga Santo Papa gikan San Pedro (St. Peter) ug sa mga mipuli kaniya hangtod sa ika-15 nga siglo. 

Ang tinuig nga direktoryo sa Holy See, Annuario Pontificio, naglista usab sa mga ngalan sa nangaging mga Santo Papa sa kronolohikal nga pagkahan-ay.

Ang unang gitudlo nga Santo Papa mao si San Pedro, natawo sa Betsaida, nga mas nailhan karon nga Golan Heights. Maisip kini nga teritoryo sa Syria nga giokupar sa Israel sa Middle East (Central East) nga bahin sa kontinente sa Asia.

Sumala sa Liber Pontificalis, si St. Evarsitus, ang ikaupat nga Santo Papa nga mipuli ni San Pedro, natawo sa Bethlehem nga karon sakop na sa Israel, nagpamatuod lamang nga siya usa usab ka Asyano.

Sa kinatibuk-an, adunay 10 ka Papa gikan sa Asya:

– Lima gikan sa modern-day Sirya (St. Anicetus, Pope John V, Pope Sisinnius, Pope Constantine, ug Pope Gregory III);

– Tulo gikan sa modern-day Israel (San Pedro, St. Evaristus, ug Papa Theodore I); ug

– duha gikan sa Anatolia sa modern-day nga Turkey (Pope Conon ug Pope John VI).

Si Tagle, kauban ang Hungarian Cardinal Péter Erdő, ang arsobispo sa Esztergom-Budapest, ginganlan sa usa artikulo sa Catholic Herald isip usa ka ‘papabile’ o sikat nga kandidato nga posible mapili nga sunod nga Santo Papa. 

Si Carlos Antonio Palad, kolumnista sa PressOne.PH ug usa ka Catholic apologist, miingon sa Facebook post nga ang mga nag-una sa papal conclave dili kanunay mapili isip Santo Papa.

“Sukad sa sinugdanan sa ika-20 nga siglo, adunay usa lamang ka conclave diin adunay usa ka super-clear nga frontrunner alang sa Papacy, ug diin ang maong frontrunner napili: 1939, sa dihang ang Cardinals mipili sa Secretary of State Eugenio Card. Pacelli, nga nagdala sa ngalan nga Pius XII,” ingon niya.

Kini susama sa Italyano nga proverbio: “Siya nga mosulod sa conclave ingon nga papa, mobiya niini ingon nga usa ka cardinal.”

Miulbo ang mga hungihong sa posibleng pag-resign ni Papa Francisco tungod sa problema niini sa panglawas ug ang gikataho niya nga pagbisita sa L’Aquila shrine diin gilubong si Pope St. Celestine V, ang unang Santo Papa nga miluwat sa katungdanan.Ang gisundan ni Pope Francis, si Benedict XVI, mibisita usab sa L’Aquila human kini maigo sa kusog nga linog niadtong 2002. Dinhi, gibilin ni Benedict ang iyang papal pallium nga iyang nadawat sa iyang inaugal mass niadtong Abril 2005. Karon, gisulot na ni San Celestine ang pallium ni Benedict. — Rommel F. Lopez (Gihubad ni Ryan Christopher J. Sorote)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.