FACT-CHECK: Dala ni Marcos Sr. sa iyang termino ang demokrasya, kagawasan, ug hustisya

Aug 31, 2022 | Translated Fact Check

Ang YouTube channel ni Dante Maravillas nga “Dante Talks” bag-o lang nag-upload og video diin iyang gituki ang iyang giingon nga “strong revelation of Mrs. Marcos” sa usa ka pakighinabi sa Daily Tribune.

Ang kanunay nga sulod niini nga channel kasagaran pro-Marcos.

Sa 15:19 timestamp sa video, gipasabot ni Maravillas nga sa unang paglingkod isip presidente si Ferdinand Marcos Sr., nangangkon kini nga “walay hustisya ug demokrasya” sa nasud.

Dugang pa niya, ang kanhi diktador na ang nagdala sa demokrasya, kagawasan, ug hustisya sa tanang Pilipino nga sumala pa niya, naulipon sa mga oligarkiya sulod sa mga dekada.

PANGANGKON: Gidala ni kanhi diktador Marcos Sr. demokrasya, kagawasan, ug hustisya sa panahon sa iyang termino

RATING: BAKAK

KAMATUORAN:

Sumala sa Committee to Protect Journalists, ang media sa Pilipinas daling nakakuha sa reputasyon isip “the freest press in Asia” niadtong dekada 1950, pipila ka tuig human ang Estados Unidos naghatag ug kagawasan sa nasud, diin daghang mga Pilipinong peryodista ang nagsugod sa paghimo og mga investigative journalistic work aron ibutyag ang korapsyon sulod sa gobyerno.

Dinhi lang mapamatud-an nga dili tinuod ang video statement nga si Marcos Sr. ang nagdala sa “demokrasya, kagawasan, ug hustisya.”

Samtang, nagkauyon sab ang lain-laing mga historyador ug analista nga misamot ang kahimtang sa demokrasya ug kagawasan sa pagsulti o freedom of speech atol sa termino sa kanhi diktador. Daghang mga institusyon sa media, lakip ang ABS-CBN ang gipunting ug gikontrol. Gidakop usab ang mga inilang tigbalita ug tag-iya sa media nga sila si Teodoro Locsin Sr., nagmamantala sa Philippines Free Press, ug ang tagiya sa Manila Times nga si Chino Roces. Daghang kaso sa harasment ug torture sa mga peryodista ang natala sa termino ni Marcos Sr. isip presidente.

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.