PANGANGKON: Gikantyawan sa mga supporters sa Liberal Party si Ferdinand “Bongbong” Marcos Jr. sa interbyu ni Jessica Soho niadtong 2016.
RATING: BAKAK!
Sa column ni Alex Magno sa Philstar.com niadtong Enero 27, 2022, nangnagkon ang political science professor nga gikantyawan sa mga supporters sa Liberal Party si Ferdinand Bongbong Marcos Jr., ang anak sa anhing diktador, atol sa iyang interbyu ni Jessica Soho niadtong 2016.
“No one remembered that when Marcos submitted to a Jessica Soho interview in 2016, the venue was filled with LP (Liberal Party) supporters who heckled his every answer,” matod pa ni Magno.
Dugang sa propesor nga posible nga usa ka “tactical decision” ang wala pagtambong ni Marcos Jr. sa Presidential interview ni Jessica Soho nga gi-air niadtong Enero 22.
Apan wala gi-interview ni Soho si Bongbong niadtong 2016. Sa usa ka pamahayag niadtong Peb. 11, gi-refute sa GMA Public Affairs ang pangangkon ni Magno.
“Ms. Jessica Soho did not interview Bongbong Marcos in 2016. Ms. Soho’s last interview with Marcos Jr. was in 2011 for the newscast State of the Nation. In 2019, Ms. Soho was chosen to ask questions by virtue of drawlots to then senatorial candidate Imee Marcos during the GMA News and Public Affairs Senatorial Debate 2019. No heckling happened during this Debate,” matod pa sa pamahayag.
Tinuod nga gikatyawan si Marcos sa usa ka debate niadtong 2016 apan dili sa program sa GMA Network apan sa giorganisa sa Commission on Election ug sa CNN Philippines niadtong Abril 10, 2016. Dili si Soho ang host sa maong debate apan si Pinky Webb ug Pia Hontiveros.
Sa maong debate, gikantyawan ang anak sa anhing diktador og “never again” nga nasupo o nabaraw sa iyang opening statement ug patubag sa pangutana nga: “What will define your leadership as vice president of the Philippines?”
Ang “never again” ang mga pulong nga naghulagway sa Holocaust ug ubang mga genocides nga nahitabo sa Pilipinas sulod sa gipatuman nga Martial law sa amahan ni Bongbong.
Malantaw ang pagkantyaw dinhi (timecode sa opening statement ni Bongbong).
Dili usab sakto ang pangangkon ni Magno nga ang mga nikantyaw mga supporters tanan sa LP.
Duna say gipahigayon nga protesta ang mga anti-Marcos gawas sa University of Santo Tomas, diin gipahigayon ang debate sa CNN Philippines.
Laing duha sab ka mga sayop nga pangangkon nga napatik sa column ni Magno nga gi-fact check sa GMA News ug Vera Files. John Ezekiel J. Hirro (translation by Ryan Christopher Sorote)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).