FACT-CHECK: Jesse Robredo buhi pa sa wala mahagsa ang iyang eroplano niadtong 2012

PANGANGKON: Patay na daan si anhing  Secretary Jesse Robredo sa Department of Interior and Local Government (DILG), ang bana ni Vice-President Leni Robredo, dihang nahagsa ang iyang eroplano sa kadagatan sa Masbate niadtong 2012. 

RATING: BAKAK

Subli nga nikatap online ang karaang post sa Facebook page nga Pagadian Zamboanga Del Sur niadtong 2016, nga nangangkon nga patay na daan si anhing Interior secretary Jesse Robredo sa wala pa nahagsa iyang eroplano sa Masbate niadtong 2012. 

Dunay 201,090 nga followers ang maong Facebook page nga nangangkon nga naghatag sa mga lab-as nga mga kalihukan, mga balita, ug impormasyon sa Pagadian ug ZamboSurians. Ang maong bakak nga pangangkon ang gi-share na og kapin sa 23,000 ka higayon ug dunay comments nga 8,500 ug likes nga 14,000. 

Gilangkuban ang post og hulagway nga orehinal nga kuha sa Malacañang Photo bureau ug gigamit sa balita sa Rappler niadtong August 27, 2012. 

Gipakita sa hulagway ang lungon ni Mr. Robredo, iyang balo nga si Vice President Leni Robredo ug ubang mga sakop sa gabinete ni anhing Presidente Noynoy Aquino.

Dunay laing mga bakak nga pangangkon ug mahimo unta nga i-fact-check sa maong post, apan sagad nila ang napamatudan na nga mga bakak ug ang uban mga conspiracy theories o mga tumo-tumo maylabot sa kamatayon ni Mr. Robredo ug sa administration ni anhing Presidente Noynoy Aquino. 

Wa’y igong basehan ug mga ebidensya sa maong pangangkon nga patay na daan ang anhing DILG secretary sa wa’ pa nahagsa ang Piper RP-C 4431 nga iyang gisakyan. Gawas ni Mr. Robredo, patay usab ang duha ka piloto ug ang bugtong nabuhi ang close-in-aid ni Robredo nga si Police Chief Insp. June Paolo Abrazado. 

Sigon sa report sa Inquirer.net, sa wala pa mamatay si Mr. Robredo, niabot siya’g sayo sa Sugbo aron momulong sa summit sa Community Investigative Support (CIS) sa Criminal Investigation and Detection Group didto sa Cebu International Convention Center sa Mandaue City.

Iyang gibasa sa maong summit ang mensahe sa president ngadto sa gatusan ka mga CIS civilian-crime volunteer, sa wala pa siya magdali-dali og gawas aron moadto sa sunod niya nga lakaw. 

Apan nahangyo sa mga tigbalita si Mr. Robredo alang sa usa ka ambush interview santang naglakaw. Gi-post kini sa Facebook sa Sugbuanon nga tigbalita nga si Fe Marie Dumaboc niadtong Agusto 18, 2012.

Sa report sa Manila Bulletin, gibutyag Mr. Robredo sa usa ka tigbalita sa Sugbo nga “nagdali siya” nga makauli sa Naga City aron  makaapas sa awarding ceremony sa usa sa iyang anak nga nakadaog sa usa ka swimming competition. 

Usa sa katapusang giadto ni Mr. Robredo ang groundbreaking sa Philippine National Police Regional Training Center 7 sa Consolacion, Sugbo, una siya nisakay sa nahagsa sa abyon. Gipangalan kaniya ang maong kampo sa kapulisan, sigon sa report sa SunStar Cebu. 

Nipagawas usab og balita ang Inquirer sa pagbalik lantaw ni Abrazado sa mga katapusang mga higayon sa wala pa mahagsa ang ilang eroplano diin siya nipasiaw nga nipakatawa ni Mr. Robredo. 

“While we were still up in the air, the display panel that also displayed a directional map kept on flashing: ‘aviation expires 18 or November 28 2010.’ I can see from the panel a distance notification that said 20 to 26 miles. I don’t know what the expiration message meant. I wanted to inform the secretary about it but I did not want him to worry. I just made the secretary laugh by saying that there were many cases when a plane was flying with only one engine functioning,” sigon pa ni Abrazado, kansang pamahayag nagpamatuod nga buhi si Robredo sa wala pa maghagsa ang iyang eroplano. 

Sa usa ka press breeding niadtong Nobyembre 2012, gibutyag ni Pres. Aquino, sigon sa imbestigasyon sa Civil Aviation Authority of the Philippines (CAAP) nga ang hinungdan sa pagkahagsa sa abyon ni Mr. Robredo ang sipyat sa kapitan ug ubang mga lapso nga nakaingon sa insidente. 

Dili malilong nga sa gatusan ka mga saksi ug mga reports, tataw nga dakong buhi si Mr. Robredo sa wa’ pa nahagsa ang iyang gisakyan nga eroplano. 

Basi niini, maklaro nga usa ka dakong bakak ang maong social media post nga gi-share sa mga tigpaluyo sa usa ka kandidato pagka presidente, ang hugot nga kaatbang sa balo ni Mr. Robredo nga si vice president Leni. (translation ug estorya ni Ryan Christopher J. Sorote)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.