Sumala hin usa nga social media post, an kandidato pagka-presidente nga igin-eendorso han Iglesia ni Cristo in permi nadaog. Ini in diri nagsusumat nga pira nga ginsuportahan han INC nga mga kandidato in nagkakaperdi.
An siring : An mga kandidato pagka-presidente nga gin-eendorso han INC in nadaog ha eleksyon.
RATING: KULANG HIN KONTEKSTO
An Cebu Flash Report, usa nga Facebook page nga gin laladawan it iya kalugaringon nga usa nga “#1 Citizen News page, permi updated 24/7 tikang han mga tawo” nag-share han usa nga post nga ginpapakita an ngaran han mga presidential candidates ngan kun patiunan-o an pag-endorso han Iglesia ni Cristo (INC) nakabulig ha ira magdaog pagka-presidente. Naghatag hira han mga link ngada han mga respetado nga mga website para suportahan it ira mga pahayag.
Karuyag ba sidngon hini nga an gin-endorso han INC nga sigurado na nga daog? Diri permi. An pahayag han Cebu Flash Report in nagkikinahanglan pa hin damo nga konteksto.
Bisan nga hira Gloria Makapagal-Arroyo, Benigno S. Aquino lll ngan Rodrigo Duterte nga gin-endorso han INC, nagdaog han pagka-presidente, an post in waray paghingaday han iba pa nga mga kandidato nga gin-endorso hini nga relehiyoso nga grupo pero naperdi han eleksyon.
Han 1949, an INC nag-endorso kan Jose Avelino pagka-presidente, pero naperdi hiya ni Elpidio Quirino.
Han 1992, an INC gin-endorso hi Eduardo “Danding” Cojuangco, Jr. pagka-presidente, pero naperdi hiya han nagdaog nga hi Fidel V. Ramos.
An pag-endorso han INC in waray pakabulig han iya inugupan nga mga kandidato pagka-bise presidente para magdaog han ira tagsa-tagsa nga kinakandidatuhan.
Han 2010, an INC nag-endorso kan Manuel “Mar” Roxas III, pagka bise-presidente.
Han 2016, ini nga simbahan nag-endorso kan Ferdinand “Bongbong” Marcos Jr. pagka bise-presidente, pero naperdi hiya ni Maria Leonor “Leni” Robredo.
An usa nga researcher hin pambubliko nga opinyon nga hi Oscar Lagman Jr., ha usa nga opinyon nga artikulo ha Inquirer nga may-ada titulo nga “The INC Endorsement Myth“, nagsiring nga an INC nag-eendorso la han kandidato nga nangunguna na ha survey.
“An mga kandidato nga gin-endorso han 2019 in magdadaog bisan may-ada o waray pag-endorso kay hira an karuyag han mga tawo base han iginpapakita han survey. Ka-usa hi Jinggoy Estrada ha 12 nga senatorial candidates nga gin-endorso pero waray pagdaog. Hi Koko Pimentel nga na-eleher ngahaw bisan waray an gindadako nga pag-endorso han INC,” sireng pa iya.
An konklusyon ni Lagman Jr. ha iya artikulo in pwede gihapon nga amon kungklusyon ngada han nakakalipat nga post han Cebu Flash Report: An pag-endorso han Iglesia ni Cristo nga gintutu-uran nga magdadaog na an kandidato in usa la nga himo-himo.
— (Rommel F. Lopez/Traslated by Aboy Abayan)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).
FACT-CHECK: EDCA is not unconstitutional
: A manifesto shared by a pro-China personality falsely claimed that the Enhanced Defense Cooperation Agreement between the Philippines and the United States is banned under the constitution.
FACT-CHECK: Taylor Swift did not make any comment about US ability to stop war in Taiwan
An X user made the false claim that Taylor Swift had commented about the United States’ naval capability to deter an invasion of Taiwan.
FACT-CHECK: Facebook post uses wrong painting to depict first Mass in PH
A Facebook post used the wrong painting to depict what it described as the first Mass in the Philippines.