Usa ka gimanipular nga video sa interbyu ni Vice President Leni Robredo ang gigamit aron pagdaot kaniya. Ang video gikuha lima ka tuig na ang nakalabay.
PANANGKON: Usa ka gimanipular nga video sa interbyu ni Vice President Leni Robredo ang gigamit aron pagdaot kaniya. Ang video gikuha lima ka tuig na ang nakalabay.
RATING: GIMANIPULAR
Ang nagpakatap sa maong manipulado nga video, sa interbyu kay Vice President Maria Leonor Robredo, ang usa ka Facebook page nga tigpaluyo sa kandidato pagka presidente nga si Ferdinand “Bongbong” Marcos. Lima ka tuig na sukad nga nahitabo ang maong interbyu.
Gipakita sa video clip nga walay basehan si Robredo sa pangangkon niini nga dunay mga lakang ang kampo ni Marcos aron tangtangon siya sa iyang pagka bise presidente. Gipildi ni Robredo si Marcos sa 2016 vice-presidential race.
Gi-post ang 22 segundo nga video sa usa ka “ABEL TV” apan orehinal kini nga gikan sa Tiktok account sa usa ka “abel_jan.” Ang maong account, dunay profile picture nga naay nakasuwat nga “I’m Filipino and my president is BBM (Bongbong Marcos).”
Nawala sa maong video clip ang konteksto sa orehinal nga interbyu nga gibuhat sa TV Patrol anchor nga si Noli de Castro niadtong Disyembre 5, 2016.
Dunay gitason nga 5 minutos ug 29 segundos ang interbyu ni Robredo. Atol kini sa pagbiya ni Robredo sa gabinete ni Presidente Rodrigo Duterte human siya gipahunong sa pagtambong sa ilang mga tigum.
Sa manipulado nga video, gipakita nga naglisod si Robredo sa pagtubag sa pangutana ni de Castro kon nganong gitangtang siya sa posisyon diin siya gibutaran.
Dunay caption ang manipulado nga video: “Ganito yung sinasabi ni Prof. Clarita Carlos na ang pinsan nyang bobo gusto gawing teacher. Tas ito naging abogada (This was what Prof. Clarita Carlos said about her stupid cousin who was made a teacher. And this one became a lawyer).”
Nalakip ang pamahayag ni Carlos nga iyang giluwatan atol sa SMNI presidential debate niadtong Peb. 15, diin nitambong si Marcos apan wala tungaha ni Robredo.
Apan base sa orehinal nga interbyu, gibutyag ni Robredo nga wa’y basehan ang electoral protest sa kampo ni Marcos.
Sa niaging tuig, ang Korte Suprema, isip Presidential Electoral Tribunal, mi basura sa protesta ni Marcos pinaagi sa unanimous vote.
Ubos sa rating options sa Facebook alang sa mga third-party fact checkers, sama sa gigamit sa PressONE.PH, ang mga “altered content” nagpasabot og mga hulagway, audio o video content nga gimanipular o giutro aron pagilad o mislead sa mga tawo.
Na-view na ang manipulado nga video sa ABEL TV og 15,600 ka higayon, gi-share og 296 ka higayon, ug dunay mga comment nga 125 sa Facebook. (translation by Ryan Christopher Sorote)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).