Dili tinuod nga gikatahong giingon ni Leni Robredo kabahin sa isyu sa pag-abli pag-usab sa BNPP.

PANGANGKON: Ang kanhi bise presidente nga si Leni Robredol misupak sa pag-abli usab sa Bataan Nuclear Power Plant (BNPP) ug nasaypan nga ang ‘nuclear power source’ mao ang nuclear bomb.

RATING: BAKAK!


 

Ngano nga kini kinahanglan kini nga i-fact check: Duna nay kapin sa 2,000 nga reaksyon, 762 nga mga komento, ug 130 ang hulgway..

The bottom line: Wala gisulti ni Robredo ang pamahayg nga gipasangil kaniya bahin sa pag-abli pag-usab sa BNPP.

Ang bugtong gisulti niya maylabot niini nahitabo niadtong nilabay nga kampanya sa piniliay diin iyang gibutyag nga abli siya sa paggamit sa nuclear energy isip tinubdan sa kuryente apan matud pa niya, supak siya sa pag-abli og balik sa BNPP tungod sa safety concerns.

Mga isyu sa kaluwasan: Niadtong 2016, gisupak sa Filipino scientist nga si Kelvin Rodolfo ang plano sa administrasyong Duterte nga ablihan ang BNPP tungod kay ang planta nahimutang sa Pampanga earthquake fault paingon sa Natib Volcano. Ang bulkan nahimutang 7.5 kilometros gikan sa planta.

Samtang, si Fabian Dayrit sa National Academy of Science and Technology nabalaka usab sa “waste disposal” sa BNPP niadtong 2020 ug giingon nga ang ubang mga nasud adunay susama usab nga mga problema.

Satire lang? Ang photo card nga nag-circulate sa Facebook usa ka crop o kabahin lamang sa litrato nga gi-post sa Philippine Daily New Society niadtong Hulyo 17 nga makonsiderar nga ‘satirical page.’

Ang “Satire” isip usa ka genre, giabusohan sa mga propaganda network nga gipasiugdahan sa estado samtang nagpakaylap sa intriga ug bakak nga mga pahayag.

Ang kanunay nga pagbiaybiay kang Robredo gituyo aron himuon siya nga daotan ngadto sa katawhan.

Ang ingon nga mga asoy mahimong makonsiderar nga gendered disinformation nga gigamit batok sa mga lider sa kababayen-an nga kanunay gihulagway nga dili matinuoron, hanggaw, huyang, sekswal, ug imoral aron “ihulagway sila nga dili kasaligan ug dili kinahanglan manguna, mahimong mga tawo sa publiko o makaimpluwensya sa katilingban,” sumala sa usa ka pagtuon Demos nga  Ang think tank nga nakabase sa London. (Gihubad ni Andrei Duran sa Filipino ug gihuban ni Ryan Christopher J. Sorote sa Bisaya)

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.