Gipagamay ni Ormoc City Mayor Richard Gomez ang pag-fact check sa iyang pangangkon nga bugtong si kanhi senador Ferdinand “Bongbong” Marcos Jr. ang kandidato pagka presidente sa 2022 nga eleksyon ang nitabang sa syudad panahon sa “katalagman ug kalamidad.” 

Giluwatan ni Gomez ang iyang bagong pangangkon isip reaksyon sa pipila ka bahin sa fact check nga artikulo sa PressOne.PH, gikan sa video sa YouTube channel nga SHOWBIZ CHIKA-DORO nga dunay 162,000 subscribers.

Ang fact check nga artikulo kang Gomez, nga dunay rating nga bakak, nangangkon nga bugtong si Marcos ang nitabang nga politiko sa Ormoc panahon sa katalagman ug kalisod, ang gilangkuban sa pamahayag ni Sen. Manny Pacquiao, kinsa kongresista pa sa Sarangani niadtong tungura. Matod sa kongresista, nidisisyon siya nga mohatag og kwarta sa mga biktima sa bagyo nga Yolanda inay nga gastuon kini sa iyang birthday party. 

Mao kini ang pamahayag si Pacquiao: “Simple lang ang celebration ngayon. Sa halip na gastusin ko sa magarbong birthday party, idinonate ko na lang sa mga biktima ng bagyo sa Leyte at Eastern Samar.”  Nakuha sa PressONE.PH ang maong pamahayag gikan estorya sa Philippine Daily Inquirer.

Sigon ni Gomez, wala ni-donate og kwarta si Pacquiao gikan sa iyang kaugalingon nga bulsa. 

Gibasehan ni Gomez sa iyang pangangkon ang usa ka dokumento nga magpakita nga ang nadawat sa Ormoc nga P1.5 milyones nga ayuda niadtong Dec. 3, 2013 ang napanglan sa General Santos (GenSan) city government ug dili gikan ni Pacquiao. 

“How can he spend something that is not yours (sic)? Pera ng GenSan ‘to, hindi mo sariling personal money,” asoy ni Gomez.

“Dapat nga hindi niyo na nilabas ‘to, kasi makikita niyo na nagsinungaling si Manny sa sinabi niya na imbes na gastusin ko ‘to sa magarbong birthday, e ibigay ko na lang sa inyo. How can you spend government money for your own birthday?” dugang ni Gomez.

Apan sigon sa report ni JP Soriano sa GMA News, gibisita ni Pacquiao ug gitagaan og relief goods ang mga molupyo sa Ormoc, liwas sa pagigo sa supertyphoon “Yolanda” niadtong Dec. 3, 2013.

Gilalis usab ni Gomez ang pangangkon nga hinabang ni Vice President Maria Leonor “Leni” Robredo sa mga biktima sa linog nga niigo sa Ormoc niadtong July 6, 2017. 

Sa maong video, gibasa ni Gomez ang pamahayag ni Robredo nga gihisgutan sa PressONE.PH fact check:  “We have spoken with the provincial government of Leyte and the mayor of Kananga. They said what the people need there are shelter materials so that’s what our office will bring there.”

Matod ni Gomez, nagpasalamat siya sa hinabang ni Robredo, apan iyang giklaro nga ang Ormoc, isip independent component city, ang dili ubos sa government of Leyte ug nga ang Kananga, wala masakop sa Ormoc. 

Apan, wala matiwas ni Gomez sa pagbasa ang fact check. Duha ka paragraph human sa pamahayag ni Robredo nga iyang gibasa, mipasalig ang bise presidente sa mga taga-Ormoc og psychological services.  

Si Gomez ug asawa nga si Leyte Rep. Lucy Torres-Gomez, dili pa dugay ni endorso sa kandidatura ni Marcos pagka presidente. – John Ezekiel J. Hirro (Gihubad sa Binisaya ni Ryan Christopher J. Sorote)

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.