FACT-CHECK: Walang irregularidad sa pag-iimbak ng Starlink devices sa isang bahay sa Davao City

CLAIM: Parapernalya para sa halalan nakaimbak sa isang bahay sa Davao City.

RATING: HINDI TOTOO

Isang Facebook user ang maling ibinalita na ang mga parapernalya na gagamitin sa halalan ay ilegal na iniimbak sa isang pribadong ari-arian sa Barangay Buhangin, Davao City.

Kinumpirma ni Commission on Elections (Comelec) Chairman George Garcia sa isang panayam sa PressOne.PH na may mga information technology devices na iniimbak ng isang service provider sa isang bahay sa Davao City, ngunit wala siyang nakitang anumang irregularidad.

“‘Yan ‘yung mga transmission device kumbaga sa TV, antenna ‘yun. Wala pong kinalaman sa pag susuma-total ng boto, pagta-transmit ng kung ano ‘yung mga laman na boto,” he said.

(These devices are like antennas. These do not have anything to do with vote counting or the transmission of the contents of ballots.)

Ipinaliwanag din ni Garcia kung bakit nilagay ng service provider ang mga kagamitan sa isang bahay.

“Ang problema kasi doon sa mga lugar … walang gustong mag warehouse nang araw lang. Gusto six months to one year. E paano naman ‘yung araw lang na nag-stay doon e, tapos kinakailangan na i-deploy na kaagad,” he said.

(The problem is no one wants to do short-term leases for warehouses. They want six months to a year. What if it will only be used for a few days as the devices need to be deployed immediately.)

Naglabas ng pahayag ang Comelec na kinukumpirma ang kinalalagyan ng sampung set ng Starlink devices, mga solar panel, at mga baterya sa isang bahay sa Davao.

Ayon sa Comelec, ang iOne Resources Joint Venture at Ardent Networks, Inc. ang namamahala sa deployment at storage ng mga kagamitan, tulad ng nakasaad sa Seksyon 3.1 at 3.5 ng kanilang kontrata.

Naganap ang pagpirma sa kontrata noong Abril 30, 2024 sa Palacio del Gobernador sa Intramuros, Maynila.

Sa kasalukuyan, umabot na sa 6,900 na reaksyon at 2,200 shares sa Facebook ang naturang post. Vergel Villarba & Michael Hermoso-Bautista

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy