FACT-CHECK: Walang “bagong ebidensya” sa pagkakasangkot ni First Lady Liza Marcos sa info leak sa PDEA

CLAIM:  May bagong ebidensya ng umano’y pagkakasangkot ni First Lady Liza Araneta-Marcos sa imbestigasyon ng ahensya kontra-droga na inilabas sa publiko. 

RATING: HINDI TOTOO

Isang maikling video sa Facbook reels ang maling nagpahayag na may bagong ebidensya na raw na nagpapatunay sa pagkakasangkot ni First Lady Liza Araneta-Marcos sa imbestigasyon ng ahensya kontra-droga na inilabas sa publiko. 

Ang video ay may mapanlinlang na caption na nagsasabing: “IBIDINSYA LABAN SA ASAWA NI BBM INILABAS NA! [sic]”

Lumabas ang video noong March 19. Nagpapakita ito ng footage na unang lumabas sa public hearing ng Senado noong Mayo 13, 2024, kaugnay ng imbestigasyon sa umano’y “PDEA Leads.” 

Mali ang ipinahayag sa video na ang naturang footage ay “bago.”

Sa kasulukuyan, walang bagong ebidensyang ipinakikita na magpapatibay sa mga alegasyong nagsasabing may kinalaman ang First Lady sa pananakot para patahimikin si Jonathan Morales, dating ahente ng Philippine Drug Enforcement Agency.

Sa isang panayam noong Mayo 10, 2024, tinawag ni Pangulong Ferdinand Marcos Jr. si Morales na isang “professional liar,” at itinanggi ang mga paratang laban sa kanila ni First Lady Liza kaugnay ng ilegal na droga. 

Sa pagdinig ng Senado noong Mayo 20, 2024, na i-cite in contempt ni Sen. Ronald Dela Rosa si Morales dahil sa “patuloy na pagsisinungaling” sa kaniyang mga pahayag laban kay Marcos Jr. kaugnay ng “PDEA leaks.”

Sa ngayon, ang post ay nakakuha ng 29,000 likes, 51,000 shares, and 759 comments. Ang video ay nanitiling naka-post at na-flag ng Facebook billang posibleng AI-genrated content. Maria Minerva Melendres

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy