Usa nga Facebook post mali nga nagsisiring nga an kilala nga Tokyo Skytree ginpalaga hin pink ha pagsuporta han kandidatura ni Bise-Presidente Leni Robredo ha pagka-presidente han eleksyon 2022. Gipara na ini pero an screenshot hini nga post in makikita ha ubos.
An Facebook post mali nga nagsisiring nga an Tokyo Skytree ginpalaga hin pink kahuman ni Bise Presidente Leni Robredo magsumite han certificate of candidacy han Okt. 7.
AN SIRING: Tokyo Skytree ginpalaga hin pink han Oktobre 4 ha pagsuporta kan Bise-Presidente Leni Robredo.
RATING: DIRI UNGOD
Usa nga Facebook page nga nasuporta han kandidatura pagka-presidente ni Bise Presidente Maria Leonor “Leni’ Robredo an nag-post han Okt. 7 hin ladawan han kilala nga Tokyo Skytree nga pinalagahan hin pink. Ini nga post in mali ha pagsiring nga ini nga broadcasting ngan tore-pan-obserba ha Sumida Tokyo ginpalaga ha pagsuporta kan Robredo nga nag-anunsyo han iya katuyuanan pagdalagan ka-presidente han Pilipinas hit Mayo 2022 nga Nasyunal ngan Lokal nga Eleksyon komo independente. Nag-sumite hiya han sertipiko han kandidatura ha pareho nga adlaw. Pink an bag-o nga kolor-politika ni Robredo ngan diri dulaw nga dati ginagamit han Liberal Party kon diin hiya an nagpapabilin nga pangulo.
Nakabutang ha post “LENI FEVER! Tokyo SkyTree is for VP Leni Robredo. LabanLeni2022.”
Usa nga “reverse image search” han ladawan kasumpay hini nga sumat an nagpapakita nga an ladawan kinuha dida han Okt. 24, 2020 nga nasimbolo han usa nga Sustainable Development Goals (SDG) han United Nations. An Tobu Tower Skytree Co.Ltd, nga amo an nagpapadalagan han Skytree in nagpahayag ha usa nga ‘press release’ nga an tore in ginpalaga gamit in 17 nga iba-iba nga kolor nga nasimbolo han kada usa han 17 nga SDGs. An pagpalaga in para han ungara nga “mapadagmit an dalagan pagkab-ot han SDGs ngan hin paghinumdum han ika-75 nga anibersaryo han UN”. An pagpalaga nagtikang han Okt. 24, 2020, nga amo an adlaw han United Nations, ngan nagpadayon ngada han Okt. 28, 2020.
An video han pagbag-o han mga kolor han suga pwede makita dinhi pinaagi an opisyal nga Twitter account han Tokyo UN Information Center.
An pro-Robredo post nakakuha hin 11,000 nga reactions, ngan 3,700 nga mga komento ngan 2,300 nga shares san-o ini paraon.
An ladawan han Octobre 2020 han tore nga ginpalaga hin pink in gingamit para lipaton an publiko nga an Hapones nga kompanya nga nagpapadalagan han tore in nasuporta han kandidatura hin usa nga Pilipino nga politiko ha adlaw han kan Robredo pagsumiter han sertipiko han kandidatura pagka-presidente.—Rommel F. Lopez (translated by Aboy Abayan)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).
FACT-CHECK: Robin Padilla is alive
A YouTube channel falsely claimed that Sen. Robin Padilla had died due to a severe illness.
FACT-CHECK: Crude deepfake of Trump talking about Duterte supporters spreads anew
A previously fact-checked deepfake video of US President-elect Donald Trump has been recycled to target “Diehard Duterte Supporters” or the DDS anew.
FACT-CHECK: AFP did not mobilize troops in Manila to ‘protect’ Sara Duterte
A Facebook reel falsely claimed that Davao City-based military troops loyal to Vice President Sara Duterte were mobilized and sent to Manila to protect her.