Matod sa MMDA, padayong manakop og mga motorista nga makalapas sa balaod trapiko sa kadalanan bisan og dunay “no-contact apprehension (NCAP).”

PANGANGKON: Dili na manakop ang mga personnel sa Metropolitan Manila Development Authority (MMDA) sa mga traffic violators sugod Nob. 15.

Rating: BAKAK


 

Sayop ang mga post sa Facebook ug mga mensahe sa messaging apps nga ang mga personahe sa Metropolitan Manila Development Authority (MMDA) dili na manakop og mga traffic violators sugod Nob. 15.

Kini tungod gikataho nga no-contact apprehension policy (NCAP) diin ang mga kalapasan sa kadalanan makuha ra sa camera.

Padad-an ra og suwat ang mga tag-iya og sakyanan ug pamultahon sila. Ang NCAP gipatuman sa mga piniling lugar sa pipila ka siyudad sa Metro Manila.

Ang bakak nga pamahayag mikaylap dili lamang sa Facebook niadtong Agosto 24, apan lakip na sa Viber.

Dili na nato balikon ang sayop nga impormasyon dinhi ug basin makahatag lang kinig dugang kalibog.

Mismo ang MMDA niingon nga dili gikan kanila ang maong pahibalo. Matod sa ahensya, padayong manakop ang MMDA og mga motorista nga makalapas sa balaod trapiko diha sa kadalanan bisan pa man og adunay NCAP.

“Sayop nga impormasyon ang gipakaylap bahin sa mga pahimangno sa MMDA sa No Contact Apprehension Policy. Ang mga traffic enforcers sa MMDA magpadayon sa pagpangita sa mga motorista nga makalapas sa balaod sa trapiko,” ang MMDA miingon sa wala pa ang udto sa Agosto 24.

“Ayaw lang pagtuo sa mga mensahe nga imong nadawat o i-post sa social media. Maayo nga pangitaon una ang tinubdan sa impormasyon o i-verify gikan sa mga lehitimong tinubdan ang mga datos nga mabasa o madawat,” dugang sa MMDA. (Gihubad ni Ryan Christopher J. Sorote)

 

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.