FACT CHECK: Parusang ipinataw ni Trump laban sa apat na hukom ng ICC, hindi konektado sa kaso ni Duterte

Jul 17, 2025 | Translated Fact Check

CLAIM: Ang mga parusa ni Pangulong Donald Trump ng Estados Unidos laban sa apat na hukom ng ICC ay magdudulot ng pagpapalaya kay dating pangulong Rodrigo Duterte.
 
RATING: HINDI TOTOO

 

Isang video sa YouTube na in-upload ng “Pinas News Insider” ang nagpapakalat ng maling impormasyon na ang parusang ipinataw ni Pangulong Donald Trump sa apat na hukom ng ICC ang magiging batayan sa kalaunang pagpapalaya kay dating pangulong Rodrigo Duterte.

Ang video ay naglalaman ng mensahe na, “Wala na! Finish na? Pres TRUMP GoodNews! Nasa 1CC Lum0 S0b na? Et0 na Tatap0s sa Lahat! RRD Tagumpay?”  

Ito rin ay may thumbnail text na, “PRRD LALAYA NABA? PRES TRUMP MAY MATINDING UTOS SA 1CC?”

Gayunpaman, ang parusang ipinataw ni Trump sa apat na hukom ng ICC ay walang kaugnayan sa kaso ni Duterte hinggil sa mga krimen laban sa sangkatauhan at sa kaniyang petisyon para sa pansamantalang paglaya.

Ayon kay U.S. Secretary of State Marco Rubio, ipinataw ni Trump ang parusa sa mga hukom ng ICC na sina Solomy Balungi Bossa, Luz Del Carmen Ibáñez Carranza, Reine Adelaide Sophie Alapini Gansou, at Beti Hohlor dahil sa umano’y iligal na mga hakbang ng korte laban sa Estados Unidos at kaalyado nitong Israel, ayon sa pahayag ng pamahalaang U.S.

Naglabas ng arrest warrant ang ICC para sa Punong Ministro ng Israel na si Benjamin Netanyahu at dating kalihim ng depensa na si Yoav Gallant.

Sina Bossa at Carranza ang responsable sa imbestigasyon ng ICC laban sa mga tauhan ng militar ng U.S. sa Afghanistan, habang sina Gansou at Hohler naman ang responsable sa paglabas ng arrest warrant ng ICC laban kay Netanyahu at Gallant.

Bukod pa rito, si Gansou ay isa sa mga hukom na humahawak ng kaso ni Duterte kaugnay sa krimen laban sa sangkatauhan. Gayunpaman, walang kaugnayan ang ipinataw na parusa sa kaniyang kahilingan para sa pansamantalang paglaya.

Sa ngayon, ang naturang video any umani ng 180,000 views, 13,000 likes at 838 comments. Marybeth Realba 


IFCN Signatory Badge

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy

<ins class="adsbygoogle" style="display:block" data-ad-client="ca-pub-1535372364357523" data-ad-slot="8956430836" data-ad-format="auto" data-full-width-responsive="true"> (adsbygoogle = window.adsbygoogle || []).push({});