Ha usa nga post nga puno hin dudable nga mga pahayag, usa nga social media influencer ngan masugid nga supporter ni Duterte naghatag hin mali nga pahayag nga hi Bise-Presidente Leni Robredo in nagkamay-ada hin romantiko nga relasyon ha usa nga inasaw-an nga lalaki.

AN SIRING: Bise-Presidente Leni Robredo in nagkamay-ada hin romantiko nga relasyon ha usa nga inasaw-an nga lalaki.

RATING: DIRI TINUOD


An masugid nga Marcos-Duterte supporter nga hi Jam Magno nagpahayag ha Twitter nga hi Bise-Presidente Leni Robredo in nagkamay-ada romantic nga relasyon ha usa nga inasaw-an nga lalaki.

Nagpost hi Magno hin “mga impormasyon mahitungod kan Len-Len,” nga puno hin dudable nga mga pahayag mahiunong han bise-presidente—tikang han iya personal nga kinabuhi ngada han iya trabaho komo usa nga pampubliko nga paragserbe. Hi Magno, nga dati na nga gin-suspende ha Twitter tungod hin pagsupak han mga patakaran hine, gin-ngaranan hi Robredo nga “kinabit hin may asawa,” o usa nga tawo nga naglilingo kaupod in usa nga inasaw-an nga lalaki.

In inga pahayag in diri tinuod.

Hi Robredo in single tikang han kamatay han iya asawa nga hi dati nga Interior Secretary Jesse Robredo han 2012. Igin-diwara ni Bise-Presidente an tanan nga sugad nga mga alegasyon han una pa ngan iya gin duon nga waray niya plano hin pag-asawa utro ngan pagsulod ngada hin bag-o nga relasyon.

“Akon gin-uutro nga tikang han kamatay han akon asawa, waray ako nagkamay-ada hin karelasyon, waray ako karelasyon, ngan waray ako plano hin pagkamay-ada,” siring ni Robredo ha usa nga interview han 2018.

Ini nga isyu in pautro-utro nga libak tikang han iya paglingkod komo bise-presidente han 2016.

Hi Magno, sugad han iba pa nga nagpapasarang hini nga alegasyon kontra kan Robredo, in waray mahipagawas nga ebidensya pagsuporta hini nga pahayag.

Han Nobyembre 2020, an Rappler in gin-pamatud-an na nga buwa an sugad hini nga pahayag nga nagdudugtong kan Robredo ngada kan Quezon City 3rd District Rep. Jorge “Bolet” Banal. An kongresista ngan an bise-presidente in magkausa ha usa nga Partido ngan hi Banal in  nagserbi komo liaison officer ha butnga han Partido Liberal ngan han Opisina han Bise-Presidente.

Basi hin inisyatibo hin pag-fact check nga gibuhat han Tsek.Ph han Enero han yana nga tuig, hi Robredo an nangunguna nga biktima hin mga panguwat pinaagi hin mali nga impormasyon online. An iya naman pinakahugot nga kontra nga hi Ferdinand “Bongbong” Marcos Jr., nga amo an sinusuportahan ni Magno, an pinaka-dako nga benepisaryo han diri isakto nga mga impormasyon, sumala hini nga pag-aram.— (Lance Mejico/Traslated by Aboy Abayan)

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

FACT CHECK: VP Leni used low quality materials is FALSE

FACT CHECK: VP Leni used low quality materials is FALSE

A Tiktok user claims that Vice President Leni Robredo’s housing projects used low cost quality materials..  CLAIM: Leni Robredo’s housing project used low quality materialsRATING: FalseA Tiktok video circulating on Facebook claims that Vice President Leni Robredo’s...

read more