PANGANGKON: Gibutyag ni Ormoc City Mayor Richard Gomez nga sa tanang mga kandidato sa pagkapresidente, bugtong si Ferdinand “Bongbong” Marcos Jr. ang nakahatag og tabang sa syudad, panahon sa katalagman. 

 

RATING: BAKAK

Giendorso na sa mag asawa nga sila Ormoc City Mayor Richard Gomez ug Kongresista sa Segundo Distrito sa Leyte, Lucy Torres-Gomez ang kandidatura sa pagka presidente ni Ferdinand “Bongbong” Marcos Jr. 

Matod sa kanhi aktor ug modelo nga si Gomez, ilang gipaluyuhan Marcos Jr., ang anak sa kanhi diktador, sa kandidatura niini sa pagka presidente, sanglit siya ra matod pa, ang bugtong politiko nga nitabang sa syudad panahon sa katalagman ug mga kalisod. 

“Sa kanilang lahat na tumatakbo, siya lang ang nakatulong sa Ormoc City during disasters and difficult times. Madaling lapitan, madaling kausapin,” sigon pa sa post ni Gomez sa iyang Facebook page. 

SAYOP kini. 

Nakatunol og hinabang sa Dakbayan sa Ormoc si Sen. Manny Pacquiao human kini gibagyohan. Nagpapili usab si Pacquiao pagka presidente. 

Si Pacquiao, kinsa kongresista niadtong tungura sa Sarangani, ang nibisita sa mga lugar nga naapektohan sa super typhoon nga Yolanda niadtong Disyembre 2013. 

Nihatag siya og P1.5 milyones sa lokal nga kagamhanan sa Syudad sa Ormoc alang sa ilang Yolanda relief operations. Wa’y labot pa niini ang dala niya nga 10 ka truck nga puno og mga relief goods ug gipanghatag nga cash assistance sa mga nawadan og balay sa bagyo. 

Ang gihatag nga ayuda ni Pacquiao sa mga gibagyohan ang igasto unta niya sa iyang kasaulugan sa iyang ika-35 nga sumad sa adlaw natawhan. 

“Simple lang ang celebration ngayon. Sa halip na gastusin ko sa magarbong birthday party, idinonate ko na lang sa mga biktima ng bagyo sa Leyte at Eastern Samar,” sigon pa ni Pacquiao sa report sa Philippine Daily Inquirer.

Laing kandidato sa pagkapresidente nga nitabang sa Ormoc City is Vice President Leni Robredo.

Nakapadala ang Office of the Vice President (OVP) sa syudad og mga materiales sa balay alang sa mga taga-Leyte, kansang panimalay naguba sa pagtayog sa 5.8-magnitude nga linog sa probinsya niadtong Hulyo 10, 2017.

“We have spoken with the provincial government of Leyte and the mayor of Kananga. They said what the people need there are shelter materials so that’s what our office will bring there,” matod pa ni Vice President Leni Robredo sa report sa Rappler.

Gawas sa mga ayuda, matod ni Robredo, nangandto usab sa Leyte ang ilang mga partners sa Angat Buhay aron paghatag og psychological services sa mga nalinugan.  

“Noong nagkaroon ng earthquake sa Surigao, ito iyong nakitang isa sa mga kailangan, kaya magpo-provide din tayo ng ganoon sa Ormoc at saka sa probinsya ng Leyte,” asoy pa ni Robredo.

Walay kamatuoran ug kapasikaran nga ebidensya ang pangangkon ni Gomez nga si Marcos Jr. ang bugtong kandidato pagkapresidente nga nitabang sa Ormoc panahon sa kalisod. – Rommel F. Lopez/(translation by Ryan Christopher Sorote)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN). See our fact-checking policy here.