Ginkaruyag ni Marcos nga kuhaon an gahum para ha iya kalugaringon tungod nga nagtitika-harani an iya ika-duha ngan kataposan nga termino, sumala han Museo han Martial Law.

RATING: BUWA


 

An video han Facebook page nga “BBM SARA” han Hulyo 31 nagpost utro hin luma ngan buwa nga istorya nga hi dati diktador Ferdinand Marcos, Sr., nagdeklara han Balaud Militar para puy-puyon an nagtitikadako nga kumunista nga rebelyon.

“[I]toy upang mapigilan ang kaguluhan at ang pag dami ng mga makakaliwang grupo,” (Ini in para mapugngan an kasamok ngan pagdamo hin mga walhon nga grupo), sumala han caption hini nga video.

Pero, diri ini amo an tinuod nga rason.

Hi Marcos nagtalinguha hin “pagkuha han gahum” para ha iya kalugaringon tungod nga nagtitika-harani an iya ika-duha ngan urhi nga termino, sumala han Museo han Martial Law.

Manggud, an mga kumunista in waray kakayahan nga makontrol an nasud.

“[I]ndependent reports suggest that at the time, there were only about 1,000 NPA guerrillas, whose arms were old-fashioned. In the NPA’s own history, only 350 men with first-line rifles were documented at the time of Martial Law,” (an mga independente nga report nagsusumat nga hadto nga panahon, may-ada la maabot hin 1,000 NPA nga gerelya, diin an ira mga armas in mga luma na. Ha kasaysayan han NPA, may-ada la 350 nga tawo nga may-ada first-line rifle nga nadokumento han panahon han Batas Militar) sumala han Museo han Martial Law.

Ngan usa daman nga pinaka-harani nga paghatag hin katadungan han pagpatuman han batas militar, amo an hinimo-himo nga ambush han Defense.

An convoy ni Minister Juan Ponce Enrile, in usa la nga hoax o himo-himo.

Hi Enrile ha iya memoir nga gin-publish han 2012, nagdiwara nga ini nga ambush in usa la nga himo-himo.

Pero may-ada niya pipira na nga nauna nga pahayag nga nag-aamin nga ini in himo-himo la, labi na han 1986 nga EDSA People Power revolt.

Ngan may-ada daman testimonya ni businessman Oscar Lopez, nga nasiring nga kinita niya an sarakyan ni Enrile nga pinauranan hin bala, pero waray sulod ngan waray pangilal-an hin dugo.

An video han BBM SARA Tv may-ada na sobra 700 nga views tikang han ini ma-post. —Translated by Aboy Abayan

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

FACT-CHECK: US has no military bases in the Philippines

FACT-CHECK: US has no military bases in the Philippines

An X user makes the false claim that the United States has five military bases in the Philippines.CLAIM:  The United States has five military bases in the Philippines. RATING: FALSE   An X user made the false claim that the United States has five military bases...

read more