FACT-CHECK: Maling impormasyon tungkol sa flood control issue, pinapakalat sa YouTube

CLAIM: Ilang senador at indibidwal ang inaresto ng pulisya kasabay ng pagiimbestiga ng senado sa maanomalyang flood control projects.

RATING: HINDI TOTOO

Isang channel sa YouTube na may pangalang “Viral TV” ang nag-a-upload ng napakaraming maling pahayag kaugnay sa patuloy na pagiimbistiga ng senado sa maanomalyang mga flood control projects.

Red flag: Isang video na nagsasabing inaresto si Sarah Discaya noong Setyembre 5, 2025, at isa pang video na nagsasabing tumakas si Sen. Jinggoy Estrada sa bansa noong Setyembre 9, 2025.

• Ang caption ng video tungkol kay Discaya’s ay nagsasabing, “Sarah Discaya, DINAMPOT na ng KAPULISAN sa PAMAMAHAY nito! Tito SOTTO NAGBUNYI sa NALAMAN! BBM BATO.” 
• Makikita sa thumbnail ng video si Sarah Discaya na inaresto umano ng mga pulis.
• Ang caption ng video tungkol kay Estrada ay nagsasabing, ”Jinggoy Estrada, AGAD na LUMABAS ng BANSA matapos IKANTA ni ENGR. HERNANDEZ! SARAH DISCAYA PBBM CHIZ.”
• Makikita sa thumbnail ng video ang larawan ni Estrada sa loob ng pribadong eroplano.

Mga Resibo: Parehong humarap sa publiko sina Discaya at Estrada matapos ma-post ang mga maling pahayag. 

• Batay sa opisyal na livestream ng Senado ng Pilipinas noong Setyembre 8, 2025, dumalo si Discaya sa imbestigasyon ng Blue Ribbon Committee.
• Higit pa rito, ang larawang ginamit sa thumbnail ng video ay minanipula gamit ang larawan ni Discaya na kuha ni Angie De Silva para sa Rappler. Ang orihinal na hindi na-edit na larawan ay hindi mahanap sa pagsulat. 
• Para naman kay Estrada, dumalo siya sa sesyon ng Senado noong Setyembre 10, 2025.
• Bukod dito, ang larawang ginamit sa thumbnail ay mula sa 2023 post ni dating senador Bong Revilla Jr.

Rewind: Ang mga maling pahayag na ito ay nag-ugat sa mga kontrobersiya na may kinalaman sa mga maanomalyang proyekto sa pagkontrol sa baha sa ilalim ng Department of Public Works and Highways (DPWH).

• Sa 4th State of the Nation Address ni Pangulong Ferdinand Marcos Jr. noong Hulyo 28, 2025, napag-usapan ang posibleng katiwalian sa mga proyekto sa pagkontrol sa baha.
• Noong Set 1, 2025, humarap si Discaya sa Senate Blue Ribbon Committee, kung saan inamin niya na siya at ang kanyang asawang si Pacifico ay nagmamay-ari ng siyam na construction firm na minsan ay nagbi-bid laban sa isa’t isa para sa mga proyektong pampublikong gawain.
• Noong Set 9, 2025, pinangalanan ng ex-DPWH engineer na si Brice Hernandez si Estrada sa imbestigasyon ng House of Representatives sa “Infra Comm.”

Bakit ito may fact-check: Ang channel na “Viral TV” ay naglalako ng maling impormasyon na nakakakuha ng libu-libong panonood at pakikipag-ugnayan. 

• Habang isinusulat, ang YouTube video tungkol kay Discaya ay nakakuha na ng 33,095 views at 1,800 likes.
• Ang YouTube video tungkol kay Estrada ay nakakuha ng 64,741 views at 1,200 likes.
• Ang mismong channel sa YouTube ay mayroong 599,000 subscribers na may kabuuang 28,610,352 views.

Bantay-fake: Ang mga naglalako ng news-cycle disinformation ay kadalasang nagpapahayag ng maling pagtatapos sa isang kasalukuyang kaso.

• Anumang balita tungkol sa pag-aresto ay dapat makuha mula sa mga awtorisadong opisyal, press release, o opisyal na mga dokumento.
• I-double-check ang mga timestamp at suriin kung ang pahayag ay magagawa ayon sa timeframe.  Ysabel Javier

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy