Mali an sinisiring han usa nga Tiktok nga habubu nga klase hin mga materyales an ginamit ni bise president Leni Robredo ha iya mga proyekto nga mga pabahay

AN SIRING: Habubu nga klase hin materyales an ginamit ha proyekto nga pabahay ni bise president Leni Robredo

RATING: DIRI TINUOD


 

Usa nga Tiktok video an nagsasarang ha Facebook nga nagsisiring nga ginamit hin habubu nga klase hin materyales an proyekto nga pabahay ni bise president Leni Robredo.

Gin-utro han natura nga video an luma nga meme nga “Expectation vs Reality” para akusahan nga substandard daw an ginamit nga materyales han proyekto nga pabahay ni Robredo.

Sumala han post “noong ibinida ito ng mainstream media, ay sobrang mapapa-bilib ka. Kasi nga ‘yung design ng bahay na ‘to ay talagang pang malakasan kumbaga, mapapa-wow ka,” (han iginbida ini han mainstream media, in sobra nga nakakabilib ka. Kay an disenyo hini nga pabahay in sobra nga pang malakasan kumbaga mapapa-wow ka) samtang pinapakita an litrato han desinyo han balay.

Siniring daman han nagpost nga harayo han histura han nakita nira nga disenyo han balay kumpara han aktuwal nga pabahay nga mayda habubu nga kalidad hin materyales.

“Kasi ang naging resulta sa pabahay ni Leni Robredo ay mukhang mula sa Lazada. ‘Yung tipong tinignan mo sa computer, chineck mo sa computer, sa cellphone mo, chineck mo, ang ganda ng sapatos, and ganda ng damit. Pero pagdating sa’yo, eh bulok pala,” (kay an naging resulta ha pabahay ni Leni Robredo in sugad hin tikang ha Lazada. Iton nga tipo nga kinukulawan mo ha kompyuter, gin-check mo ha kompyuter, ha cellphone mo, hin-upay han sapatos, ngan mahusay an bado. Pero pag-abot ha imo, dunot ngay-an) siring han nagpost.

Pero an natura nga post in maiha na nga napamatud-an nga mali han Facebook page han bise presidente hadto pa han Disyembre 2020. Sumala kan Robredo, an mga pabahay nga pinapakita nga habubu nga klase in usa nga “mock up” o susbaranan la ngan diri ini an aktuwal nga pinanhahatag.

“The house shown in the picture is just a mockup so that our partner beneficiaries will have visuals of the actual size of the house. Please see [the] first picture dubbed as ‘REALITY,’” (an balay nga ginpakita ha litrato in usa nga susbaranan la para an amon mga partner nga benepisaryo in magkamay-ada hin biswal han aktuwal nga kadako han balay. Alayon kitaa an una nga picture nga ginsusugad ‘REALITY’”) sumala kan VP Leni ha iya post.

Kaupod daman ha post an mga litrato han aktuwal nga housing units.

Ha usa nga artikulo han ABS-CBN News hadto han iginpakita an video nga interview kan Robredo, kaupod an mga litrato ngan iba pa nga video nga dokumentasyon han proyekto nga pabahay han bise president, tikang han groundbreaking hasta ngada han pagtindog han mga balay. Ha pareho nga artikulo, gin-aghat ni Robredo an iya mga kritiko han iya proyekto nga bumulig nala lugod kontra hin magpasarang hin mali nga impormasyon mahiunong han proyekto nga pabahay.

“Instead of trolling, baka gusto nilang tumulong na lang silang mag-build. Sweat equity lang, yung gastos ng materyales sa amin,” (Imbes nga mag-troll, bangin gusto nira bumulig nala lugod hin pagtindog. Balhas nga puhunan la, amon na an materyales) siring ni Robredo.

Ha usa nga hearing mahiunong hin disinformation ha Senado, ginyakan ni propesor Yvonne Chua han Unibersidad han Pilipinas nga hi Robredo an pinaka-dako nga biktima han disinformation o “negatibo nga messaging”—Bianca Marie Austero (Translated by Aboy Abayan)

 

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

Back into each other’s arms

Back into each other’s arms

America never left the Philippines but the symbolic meeting in New York would leave a lasting imprint in the minds of ordinary Filipinos — the Philippines and US are close friends again.

read more