PANGANGKON: Gidapit ni kanhi chief Justice Artemio Panganiban ang publiko nga mohunong sa ilang pagka anti-Bongbong Marcos.
RATING: BAKAK!
Wala gitraydor sa kanhi chief justice Artemio Panganiban ang mga kritiko ni Ferdinand “Bongbong” Marcos Jr.
Sukwahi sa nag-viral nga social media card sa retirado nga huwes nga nangnagkon nga daw nagpakita sa iyang pagpaluyo sa anak sa kanhi dektador.
“Huwag po pairalin ang inyong pagka-Anti Marcos. Si BBM po ay nahatulan ng Regional Trial Court (RTC) ng Tax Evasion pero binaliktad ng Court of Appeals (CA) and (sic) ng RTC, kaya nawalang saysay ang decision ng RTC. Hindi po nagsinungaling si BBM sa kanyang COC nang sabihing hindi siya convicted of crime involving moral turpitude kasi nga po binasura ng CA ang ruling ng RTC!”
Bisan daghang bahin sa maong post ang kinahanglan i-fact check, wala na kini namo buhata sanglit nigawas sa among imbesigasyon nga wala gayud giluwatan sa kanhi chief justice ang maong mga pamahayag. Walay ebidensya nga artikulo o audio o video recording nga makita diin namulong si Panganiban niini.
Mao nga ang among rating niini BAKAK! Ang post, sa pagkutlo aning fact-check, ang na-share na og kapin 1,000 ka higayon sa Twitter.
Gani, sa iyang Enero 30 nga column sa Philippine Daily Inquirer, gibutyag ni Panganiban nga ang pagtubag ni Marcos Jr. og “No” sa item No. 22 sa iyang Certificate of Candidacy ang usa ka “bakak.” Matod ni Panganiban, kombiktado sa krimen nga wala pagbayad og tax return si Marcos Jr. nga nagtangang og silot nga “accessory penalty of disqualification from holding pubic office.”
“I also think that BBM cannot be said to be unaware of the consequences of the offense he was convicted of because, to quote the Civil Code, “Ignorance of the law excuses no one from compliance therewith.” And to use a maxim familiar to law students, Ignorantia juris neminem excusat,” matod pa sa kanhi chief justice.
Ang tono sa column ni Panganiban wala magpasabot nga iyang gipaluyuhan si Marcos Jr. bisan padayon nga gi-share ang maong BAKAK nga post sa mga supporters sa maong kandidato pagka presidente. Rommel F. Lopez (translation by Ryan Christopher Sorote)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).