PANGANGKON: Sen. Francis “Kiko” Pangilinan ang nagtrabaho ubos ni “master” Jose Maria “Joma” Sison.
RATING: BAKAK
Niadtong Enero 25, 2022, usa ka alias “Jun Jun Ni Noel” (ang “Junjun” gikan sa Ininglis nga “junior” nga usa ka slang nga pulong sa kinatawo sa lalaki), ni-post og hulagway nila Sen. Francisco “Kiko” Pangilinan ug sa communist lider nga si Jose Maria “Joma” Sison, ug Luis Jalandoni. Buot ipakita sa hulagway nga si Pangilinan ang nagtrabaho ubos sa Communist Party of the Philippines.
Gi-post ang hulgway sa Facebook group nga “BBM 2.0 Mindanao,” kansang mga membro mga supporters ni Ferdinand “Bongbong” Marcos Jr. nga naila usab nga “BBM.” Kanhi nga senador ug anak sa dektador si Marcos Jr.
Gikuha ang orehinal nga hulagway nga wala gidoktor atol sa pagbisita ni Pangilinan sa National Democratic Front Panel (NDFP) headquarters sa Utrecht, Netherlands niadtong 2011. Ang eksklusibo nga hulagway kuha sa Europe News Bureau sa ABS-CBN nga mi-cover sa peace talks tali sa mga komonista ug gobyerno.
Dunay report ang ABS-CBN sa maong tigum apan wala gihisgutan nga nagtrabaho si Pangilinan ni Sison ug sa mga komonista.
Nitambong si Pangilinan sa tigum aron ipresentar ang iyang mga sugyot sa NDFP aron mapadayon ang peace talks. Apil niini ang sugyot sa pag-modernize sa industriya sa agrikultura aron masulbad ang kakabus, nga iyang hulagway, nga ugat sa rebelyon sa nasud.
Napatik usab ang mga detalye sa 2011 nga tigum sa usa ka dokumento sa Senado.
Gikumpermar sa records sa Senado nga niadto og Netherlands si Pangilinan aron husayon ang mga problema nga nakaingon sa pagkadelatar sa peace talks. Tinguha niya nga mapadayon panagsabot sa kalinaw.
Niluwat usab of joint statement ang NDFP, nga gipirmahan nila Pangilinan, Sison, ug Jalandoni nga nagingon: “Sen. Pangilinan came on his account as a senate official of the Government of the Philippines in order to promote the government-NDFP peace negotiations and encourage the holding of formal talks between the government and NDF Negotiating Panels.”
Ang pagadto ni Pangilinan sa Utrecht usa ka opisyal nga lakaw ug dili tungod kay nagtrabaho siya sa founder sa CPP. – John Ezekiel J. Hirro (translation by Ryan Christopher Sorote)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph..
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN). See our fact-checking policy here.