FACT-CHECK: Hindi pinatawag si Martin Romualdez ng Korte Suprema, hindi din wanted ng AFP, PNP

CLAIM: Martin Romualdez ay hindi sumunod sa patawag ng Korte Suprema at ngayon ay pinaghahanap ng AFP at PNP.

RATING: HINDI TOTOO

Isang video sa YouTube mula sa channel na “BOSES NG MASA” ay nagpakalat ng  maling pahayag na ang dating House speaker na si Martin Romualdez ay hindi sumunod sa patawag ng Korte Suprema at ngayon ay pinaghahanap ng Armed Forces of the Philippines (AFP) at Philippine National Police (PNP), matapos masangkot ng mag-asawang Discaya sa imbestigasyon sa umano’y katiwalian sa Department of Public Works and Highways (DPWH).

Red flag: Sinabi sa video na si Romualdez ay pinaghahanap ng mga alagad ng batas. Itong post ay lumabas noong Setyembre 13, 2025.

• Ang caption ng video ay nagsasabing, “NAKAKAGULAT! ROMUALDEZ WANTED NA NG AFP AT PNP! SUPREME COURT SUMMON HINDI PA RIN SINUSUNOD?!”
• Ang mga nilalaman ng video ay hindi nauugnay sa mga salaysay ng pamagat nito.

Mga Resibo: Walang inilabas na warrant of arrest laban kay Romualdez. Aktibo niyang ginagampanan ang kanyang mga tungkulin bilang Speaker of the House of Representatives noong nilabas ang pahayag.

• Noong Sept. 15, 2025, nakipag-usap si Romualdez sa mga babaeng mambabatas sa isang konsultasyon sa speaker’s office sa House of Representatives.
• Naglabas ng pahayag si Romualdez hinggil sa mga alegasyon ng katiwalian na ipinapataw sa kanya.
• Noong Sept. 17, 2025, bumaba sa puwesto si Romualdez bilang speaker of the House, sa gitna ng mga pagsisiyasat na nakapaligid sa mga proyekto sa flood control. 
• Ayon sa Constitution, ang tanging pagkakataon na pinahihintulutan ang AFP na gumamit ng mga kapangyarihan sa pagpapatupad ng batas, tulad ng pag-aresto sa mga sibilyan, ay kapag tinawag ng commander in chief ang AFP na sugpuin ang walang batas na karahasan.

Rewind: Sa Blue Ribbon Committee hearing noong Set 8, 2025, iniugnay ng mga kontratista ng DPWH na sina Sarah at Pacifico Discaya ang maraming opisyal ng gobyerno at mambabatas sa katiwalian, isa sa kanila ay si Romualdez.

• Binanggit ni Pangulong Ferdinand Marcos ang isyu sa isang press conference.

Bakit ito may fact-check: Sa oras ng pagsulat, ang video sa YouTube ay nakakuha ng 7,414 views, 688 likes, at 65 comments.

Bantay-fake: Mag-ingat sa mga pekeng breaking updates. Anumang balita tungkol sa pag-aresto sa mga pulitiko ay dapat makuha mula sa mga ahensyang nagpapatupad ng batas, mga pahayag ng gobyerno, o mga opisyal na dokumento.  Ysabel Javier

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy