FACT-CHECK: Hindi napuno ng mga taga-suporta ng mga Duterte ang ‘Liwasang Bayan’

CLAIM: Ayon sa isan Facebook reel, napuno daw ng mga pro-Duterte na rallyista ang “Liwasang Bayan” noong “Trillion Peso March.”

RATING: HINDI TOTOO

Isang Facebook reel ang maling nagpahayag na libu-libong mga tagasuporta daw ng mga Duterte ang dumagsa sa “Liwasang Bayan” noong Sept. 21, 2025, kasabay ng “Trillion Peso March” na nagaganap sa iba’t ibang lokasyon sa Metro Manila.

Red flag:  Isang viral video sa Facebook ang nagpapakita ng hindi mabilang na mga tao sa mga lansangan at sinabing nagsasabing nangyari ito sa “Liwasang Bayan.”

• Ang overlay text sa taas ay nagsasabing, “Kaganapan ngayon sa Liwasang Bayan Dinagsa ng Duterte Supporter.” 
• Na-post ang video noong Sept. 21, 2025.

Mga Resibo: Ang video na ginamit sa claim ay hindi isang rally sa “Liwasang Bayan” kundi isang Fun Run sa Dubai.

• Ang video na ginamit sa claim ay talagang isang Fun Run na ginanap noong Nob. 24, 2024, sa Sheikh Zayed Road sa Dubai.
• Sa Malacañang Press Briefing noong Sept. 22, 2025, tinukoy ng mga opisyal ng gobyerno ang isang protest rally sa Liwasang Bonifacio, hindi “Liwasang Bayan.”.
• Batay sa isang crowd-counting tool, ang maximum capacity ng Liwasang Bonifacio ay 17,500 na katao.

Rewind: Nagsagawa ng protesta ang iba’t ibang grupo na tumutuligsa sa malawakang katiwalian sa Department of Public Works and Highways (DPWH). Isa sa mga protesta noong araw na iyon ay ginanap ng Hakbang ng Maisug, isang pro-Duterte group.

• Sa pamamagitan ng abogadong si Vic Rodriquez, inihayag ng grupo ang “Save the Philippines” protest sa Liwasang Bonifacio.

Bakit ito may fact-check: Sa oras ng pagsulat, umabot na sa 2,500,000 views ang video, 78,800 likes, 8,700 comments, at 14,000 shares.

Bantay-fake: Para maiwasan ang mga fake breaking news, pinakamahusay na kumuha ng mga live update  mula sa mga mapagkakatiwalaang site ng balita.  Ysabel Javier

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy