FACT-CHECK: Hindi naaresto si Zaldy Co sa Japan

CLAIM: Naaresto sa Japan si dating Ako Bicol party-list Rep. Zaldy Co.

RATING: HINDI TOTOO

Ang isang video sa YouTube mula sa channel na “TRENDING PINAS NEWS” ang maling nagpahayag na naaresto raw si dating Ako Bicol party-list Rep. Elizaldy “Zaldy” Co sa Japan. 

Red Flag: Sa video noong Nov. 17, maling ibinalita na naglabas na si Pangulong Ferdinand Marcos Jr. ng hatol na guilty laban kay Co, at pagkatapos ay hinatulan ang dating mambabatas ng parusang kamatayan.

• Ang caption ay nagsasabing, “KAKAPASOK LANG! ZALDY CO YARI NA DAKIP SA JAPAN,BITAY NA ANG HATOL NI PBBM”

Mga Resibo: Walang inilabas na anumang pahayag o dokumento ang pamahalaan ng Pilipinas o ng Japan na magpapatunay sa pag-aresto kay Co.

• Ang video clip na nagpapakita sa Interpol na may hawak na lalaking nakaposas ay hindi ang pag-aresto kay Co. Ito ay video clip ng isang wanted na lalaki na ini-extradite patungong Honduras.
• Ang pinakabagong post ni Co sa social media ay isang liham para kay Marcos Jr. tungkol sa mga budget insertion para sa taong 2025.
• Walang pangulo ang maaaring magpataw ng parusang kamatayan. Noong 2006, binuwag ng Pilipinas ang death penalty sa pamamagitan ng Republic Act No. 9346, at hindi pa ito muling naibabalik mula noon.
• Isa itong halimbawa ng news-cycle disinformation, isang annoying subset ng disimpormasyon na nanggagaya ng mga real-time na “balita” tungkol sa isang aktibong isyu — tungkol sa mga pag-aresto, paglaya, pagkakabasura ng kaso, o maging kamatayan na hindi naman talaga nangyari.

Rewind: Nasangkot si Co sa mga isyu ng korapsyon na bumabalot sa mga proyekto ng Department of Public Works and Highways.

• Noong Nov. 14, hinarap ni Co sa unang pagkakataon ang mga alegasyong ipinupukol sa kanya tungkol sa kanyang pagkakasangkot sa mga kontrobersyal na proyekto para sa flood control.

Bakit ito may fact-check: Ang video sa YouTube ay nakakuha ng 14,350 views at 1,114 likes sa oras ng pagsusulat.

Bantay-fake: Mag-follow ng mga channel na mapagkakatiwalaan ang ibinibigay na balita.

• Maghanap ng mga opisyal na press release sa mga website ng gobyerno para kumpirmahin ang mga hilaw o kaduda-dudang impormasyon. Francis Mediavillo

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy