FACT-CHECK: Hindi magbibigay ng ayuda ang Philippine Identification System para sa mga may National ID

CLAIM: Garantisado raw na makakatanggap ng P5,000 cash assistance mula sa Philippine Identification System ang mga may National ID

RATING: HINDI TOTOO

Isang TikTok page ang paulit-ulit na naglabas ng mga pekeng anunsyo na ang mga National ID holders daw ay garantisadong makakatanggap ng P5,000 cash assistance mula sa Philippine Identification System (PhilSys).

Gamit ang username na @philippinegotoday, ang naturang TikTok account ay humakot ng higit sa isang milyong na engagement sa pamamagitan ng pagpo-post ng mga pekeng tulong-pampinansyal.

Pinabulaanan na ng PhilSys ang nasabing disinformation sa pamamagitan ng isang public advisory na inilabas nila sa kanilang mga social media platform noong Marso 14, 2024. 

Ayon sa PhilSys, bagamat magagamit ang National ID para sa mga opisyal na transaksyon tulad ng pagpaparehistro sa mga benepisyo mula sa pamahalaan, ang mga benepisyong ito ay iginagawad lamang batay sa mga patakaran ng mga ahensyang may kinalaman dito.

Pinayuhan din nito ang publiko na manatiling alerto laban sa mga mapanlinlang na post na ukol sa ahensya na kumakalat sa social media. 

Nagbabala ito laban sa pag-click ng mga malisyosong link at pagbibigay ng personal na impormasyon kapalit ng pera. 

Sa kabila ng opisyal na anunsyo, ang mga disinformation peddlers tulad ng Philippine Go Today ay patuloy paring nagpapakalat ng disinformation at nanlilinlang ng kapwa Pilipino.Sa pagsulat ng istoryang ito, ang naturang account ay umani na ng 142.5K followers at 1.5M likes. Sofia Abarquez

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy