FACT-CHECK: Hindi layunin ng Adolescent Pregnancy Prevention Bill na turuan ang kabataan na maging ‘sexually active’

CLAIM: Tuturuan ng Senate Bill 1979 na maging “sexually active” ang mga bata.

RATING: HINDI TOTOO

Maling itsinismis ng isang Facebook page na ang Senate Bill 1979 o kilala rin bilang “Prevention of Adolescent Pregnancy Act of 2023,” ay maghihikayat at magtuturo sa kabataan na maging “sekswal na aktibo.”

Sinabi pa ng Facebook page na ang panukalang batas ay magwawasak sa pagiging inosente ng mga bata.

Salungat sa claim, ang panukalang batas ay nagsasaad ng pagbigay edukasyon sa kabataan tungkol sa human sexuality, kalusugan sa reproduksyon, at mga epekto ng maagang pagbubuntis.

Sa isang media conference noong Jan. 15, sinabi ni Sen. Risa Hontiveros na, “Walang anumang probisyon tungkol sa pagtuturo o paghikayat ng masturbation sa mga batang edad 0 to 4 years old o yung magtuturo daw diumano ng ‘bodily pleasure’ sa mga batang 6-9 years old o na ituturo din daw sa bata na may ‘sexual rights’ sila.”

Sinabi pa ni Hontiveros na ang panukalang batas ay naglalayong solusyonan ang problema ng maagang pagbubuntis sa Pilipinas, isang isyu na itinuring ng National Economic and Development Authority (NEDA) noong 2019 bilang isang “pambansang at sosyal na emerhensya.”

Noong Jan. 20, sinabi ni President Ferdinand “Bongbong” Marcos Jr. na i-ve-veto niya kaagad ang panukalang batas na ito kung ito ay pumasa sa kasalukuyang porma nito.

Sa ngayon, nakakuha na ng 7,756 na reaksyon, 7,752 na shares, at 1,450 na komento sa Facebook.  Leigh San Diego

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy