FACT-CHECK: HIndi ipinaaresto ng Korte Suprema ang isang Vlogger

May 4, 2026 | Translated Fact Check

CLAIM: Ipinaaresto ng Korte Suprema ang vlogger na si Lovely Granada.

 

RATING: HINDI TOTOO

 

Isang YouTube channel ang maling nagpahayag na inaresto ang political vlogger na si Lovely Granada sa utos ng Korte Suprema. 

Red flag: Ang video ng YouTube channel na “PILIPINAS BALITA TV” ay may title na “HETO NA! AREST4D0 NA! L0VELY GR4NADA WALA ng TAKAS! K0RTE SUPR3MA UMAKSY0N na! VP SARA PANAL0 DIT0!” 

  • Walang kahit anong impormasyon sa video tungkol sa pag-aresto kay Lovely Granada o anumang aksyon ng Korte Suprema laban sa kanya. 
  • Sa halip, puro pagbabasa lang ng mga post at comment tungkol kay Granada ang laman ng video 

Ang thumbnail ay collage ng isang unedited na larawan ni Bise Presidente Sara Duterte, habang ang mga imahe naman nina Supreme Court Associate Justice Marvic Leonen at Lovely Granada ay manipulated o ginawa gamit ang AI.

  • Kasama sa mga litrato ni Granada ang isang AI-generated na mugshot at isang manipulated photo kung saan sadyang pinalala ang kanyang facial expression. 
  • Ang litrato naman ni Leonen ay binago digitally para magmukhang may hawak siyang malabong piraso ng papel. 
  • Ayon sa pagsusuri ng mga AI detector na ZeroGPT at HIVE Moderation, malaki ang posibilidad na digitally edited ang larawan ni Leonen, habang ang kay Granada naman ay mayroong 79% na posibilidad na ito ay AI-generated.

Mga resibo: Sa oras ng pagsulat, aktibo pa ring nag-po-post si Lovely Granada sa kanyang social media.  

  • Walang kahit anong opisyal na record at documents ang Korte Suprema na nagpapatunay na ipinaaresto siya.

Rewind: Hinamon ni Granada si Duterte sa isang debate sa kanyang Facebook post noong March 16. 

  • Matapos ang post na iyon, nilinaw niya na ang layunin lang niya ay makausap nang one-on-one si Duterte tungkol sa kanyang mga plano sakaling maging presidente ito. 
  • Simula noon, naging sentro na siya ng batikos sa online. . 

Bakit ito may fact-check: Sa oras ng pagsulat, ang video ay nakakuha na ng mahigit 7,600 views, 643 likes, at 58 comments

Bantay-fake: Kapag ang isang sikat na personalidad ay naging sentro ng usap-usapan online, asahan na ang paglabas ng maraming pekeng balita o false claims tungkol sa kanya.

  • Laging i-cross-verify ang mga nababasa online sa mga mapagkakatiwalaan at kilalang news outlet.
  • Mag-ingat din sa mga clickbait na title at thumbnail, dahil madalas ay ginawa lang ang mga ito para humakot ng engagement kaysa magbigay ng totoong impormasyon. Arianne Tadina

 


IFCN Signatory Badge

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy