FACT-CHECK: Hindi inatake ng isang repatriated OFW si Marcos Jr.

CLAIM: “Sinakal” ng isang repatriated Overseas Filipino worker (OFW) si Pangulong Ferdinand “Bongbong” Marcos Jr.

RATING: HINDI TOTOO

Isang AI-manipulated na larawan ang kumalat online kung saan maling ipinakita na inatake ng isang repatriated overseas Filipino worker (OFW) si Pangulong Ferdinand Marcos Jr.

Red flag: Noong March 25, nag-post ang Facebook user na si “Ta Ta” ng isang larawan kung saan sinasakal daw ng isang OFW ang pangulo.

• Nakasulat sa ilalim ng litrato ang: “WALA KANG KWENTANG PRESIDENTE IBALIK MO YUNG PERANG NINAKAW MO SA KABAN NG BAYAN”. 
• Inulit din ang mensaheng ito sa caption ng nasabing post.

Mga Resibo: Bukod sa mga visual inconsistencies na makikita sa mismong larawan, kinumpirma rin ng iba’t ibang AI detection tools na peke ito.

• Ang tunay na litrato na ginamit ay kuha pa noong dumating sa Villamor Airbase ang 4th batch ng mga repatriated OFW mula sa Middle East noong March 23, kung saan  sinalubong sila ng pangulo at binigyan ng tulong pinansyal at medikal.
• Ang mga kamay sa larawan ay halatang hindi natural dahil may mga daliring hindi malinaw ang pagkakabuo at sa kakaibang posisyon nito.
• Hindi rin makatotohanan ang pagdiin ng mga balat at damit.
• Ayon sa MAAM models, may strong signs na AI-generated ang imahe. Ayon din sa Fake Image Detector at ZeroGPT, malamang na modified o digitally edited ang imahe.

Rewind: Si Marcos Jr. ay kadalasang nakakatanggap ng mga kritisismo mula sa publiko dahil sa paghawak nya sa kanyang administrasyon sa iba’t ibang isyu.

• Noong November 2025, inakusahan siya ni dating congressman Zaldy Co na tumanggap daw ng ₱25 bilyong kickbacks mula sa ₱100 bilyong budget insertion sa 2025 national budget. Dahil dito, nanawagan ang mga political opponents ni Marcos Jr. na isama siya sa listahan ng mga opisyal na dapat imbestigahan para sa korapsyon.
• Binatikos din ang administrasyon sa naging tugon nito sa giyera sa Middle East, kabilang na ang epekto ng taas-presyo ng langis at ang pagpapauwi sa mga Pilipinong naipit sa tensyon doon.

Bakit ito may fact-check: Sa oras ng pagsulat, umabot na sa 3,700 likes, 1,500 comments, at 808 shares ang post.

•  Ang uploader ng larawan ay may 194,000 followers sa Facebook at dati na ring nagpo-post ng mga anti-Marcos content.

Bantay-fake: Sa panahon ngayon, napakahalagang marunong tayong kumilatis kung AI-generated o manipulated ang isang imahe.

• May mga libreng AI detection tools online, pero minsan ay hindi rin ito reliable. Huwag agad maniwala sa sinasabi ng isang tool at laging mag-cross-check sa iba pa.
• Suriin din ang imahe kung may mga visual inconsistencies, tulad ng unnatural body parts, asymmetrical faces, o di kaya ay warped objects. Madalas itong mangyari sa mga AI-generated na imahe dahil bumabase lang ang AI sa pixel patterns at hindi sa mga totoong tao o bagay.
• Sa kabilang banda, kadalasang target at nabibiktima ang mga politiko ng mga AI-generated na imahe na maling nagpapakita na sila ay inaresto dahil sa mga isyu ng korapsyon. Savannah Lantay

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy