FACT-CHECK: Hindi binawi ng Samsung ang sponsorship nito sa 2024 Olympics

CLAIM: Kumalas na raw ang Samsung sa sponsorship deal nito sa 2024 Paris Olympics.

RATING: SATIRE

Isang satirical post ang kumalat sa Facebook nanag-aanunsyong binawi na di’umano ng Samsung ang $1-bilyong sponsorship deal nito sa 2024 Paris Olympics.

Maling nilabas ng Facebook page na “Patriots Network” ang umano’y pagkalas daw ng Samsung sa nasabing sponsorship deal noong Hulyo 29. Sa caption ng naturang post, sinabi nila na “Samsung Withdraws $1 Billion Sponsorship from Paris Olympics, Woke Agenda,” (Binawi ng Samsung ang kanilang $1-bilyong sponsorship sa Paris Olympics, Woke Agenda).

Ito ay dahil daw nakiisa ang kumpanya sa pagbatikos sa kontrobersiyal na performance ng mga drag artists sa opening ceremony nito.

Matatandaang umani ng samu’t saring batikos ang naturang pagtanghal mula sa mga Kristiyanong grupo na naniniwalang ito ay paglapastangan sa imahe ng “The Last Supper” ng pintor na si Leonardo Da Vinci.

Makikita rin sa comment section ng nasabing post ang link patungo sa satirical website na “SPACEXMANIA”.

Ang satirikong artikulo ay sinulat ni Alex Bruno. Mapapansin sa “About Us” tab ng website kung saan nakasaad na misyon nitong “maghatid ng pinakabagong fake news, ilang pagkukuro-kuro, at kaunting bahid ng satire.”

Sa pagkakasulat, hindi pa naglalabas ng kahit anong pahayag ang Samsung na nagkukumpirmang binawi nga nito ang nasabing sponsorship.

Sa katunayan, nag-post pa ang Samsung Global Newsroom kung saan ibinida nito ang “victory selfies” ng mga nagkamit ng medalya sa Olympics gamit ang bagong modelo ng sikat nitong foldable phone. Earl Jerald Alpay

PressOne.PH is a verified signatory of the Code of Principles of the International Fact -Checking Network (IFCN) at Poynter. The code of principles of the International Fact-Checking Network is a series of commitments organizations abide by to promote excellence in fact-checking. We believe nonpartisan and transparent fact-checking can be a powerful instrument of accountability journalism..

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.

If you believe PressOne.PH is violating the Code of Principles of the International Fact-Checking Network (IFCN), you may submit a complaint directly to the IFCN website: https://ifcncodeofprinciples.poynter.org/complaints-policy