FACT-CHECK: Facebook page mali nga nagsisiring nga hi Cory Aquino husog nga naglimbong han 1986 nga snap election

AN SIRING: Cory Aquino duro nga naglimbong han 1986 nga snap elections

RATING: BUWA

An Facebook page “Rodante Marcoleta Supporters Live” in mali nga nagsisiring ha usa nga video nga an dati nga president Cory Aquino in husog nga naglimbong han 1986 nga snap elections.

An video, usa nga binaliktad nga bersyon hin usa nga vlog han usa nga Youtuber nga hi “Idol Caloy,” nga may-ada clickbait o nakaka-agaw pansin nga caption: “PANG-AAKUSA NI BALLSY NA MANDARAYA SI PBBM AGAD BUMALIK SA KANYA, CORY MAS TOTOONG NANDAYA NONG 1986.” (Akusasyon ni Ballsy nga malimbong hi PBBM diritso la binalik ha iya, Cory mas tinood nga naglimbong han 1986)

“Ballsy Aquino, maluha-luha dahil pinamukha sa kanyang mas malaking madaraya ang kanyang inang si Cory Aquino,” (Ballsy Aquino, maluha-luha tungod nga iginpamuka ha iya nga mas dako nga malimbong an iya nanay nga hi Cory Aquino) sumala han intro hini nga video, nga naghihingaday han pinakamagurang nga anak ni Aquino, nga hi Ballsy Aquino-Cruz.

Pero, dida han Agosto 29 nga video, nga nagtala hin 5,000 nga views, waray ngani magpakita hin bisan ano nga katibayan nga hi Aquino husog nga naglimbong dida han 1986 nga eleksyon, ngan bisan ngani an mahiunong daman han maluha-luha nga hi Ballsy Aquino dida hin pagsidnga nga an iya nanay nagbuhat hin dako nga panlimbong hin eleksyon.

Ha kamatuoran, hi dati nga diktador Ferdinand Marcos amo an nagbuhat hin dako nga panlimbong han 1986. Ini in sumala ha usa nga team hin 44 nga independente nga langyawanon nga nag-obserba han eleksyon tikang ha 19 nga nasud.

“The electoral anomalies which we have witnessed are serious and could well have an impact upon the final result,” (An anomlaya han eleksyon nga amon nakita in seryoso ngan pwede may-ada dako nga epekto dida han pinal nga resulta), siring han mga nag-obserba dida hin pahayag, nga igin-report han New York Times han Peb 10, 1986, kahuman han eleksyon.

“Occurrences of vote-buying, intimidation and lack of respect for electoral procedures were present,” (An mga pagbuhat hin pamalit hin botos, panarhog ngan kawaray respeto para han mga proseso han eleksyon in presente) sumala ha ira.

An mga nag-obserbar in waray nakita nga insidente hin panlimbong nga ginbuhat han grupo ni Aquino.

“The above-listed violations were perpetrated by national and local officials who supported the Marcos-Tolentino ticket. While we cannot exclude the possibility, our delegation did not observe a single election code violation by supporters of the opposition party despite efforts undertaken to monitor their activities,” (An mga lista ha igbaw nga mga bayolasyon in ginbuhat han mga opisyal ha lokal ngan nasyonal nga nagsuporta han Marcos-Tolentino nga ticket. Samtang diri namon mababaliwara an posibilidad, an amon delegasyon in waray na-obserbaran hin bisan usa nga bayulasyon han election code han mga supporter han oposisyon nga partido bisan may-ada ginbuhat nga panginano han ira mga buruhaton) sumala han 350-pahina nga report. Translated by Aboy Abayan

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.