PANGANGKON: Ang 1986 ESDA People Power Revolution ang gipasiugdahan sa US Central Intelligence Agency ug sa Vatican. 

RATING: BAKAK!


Sa usa ka video nga una nang nasuta nga bakak, nangangkon ang gitaktak nga empleyado sa World Bank nga si Karen Hudes nga ang nagpasiugda sa EDSA People Power Revolution niadtong 1986 mao ang US Central Intelligence Agency (CIA) ug and Vatican. 

Ang pangangkon ni Hudes kinutlo sa pamahayag si Erick San Juan (dili usa ka magsasaysay o historian) nga dunay panagkunsabo sa mga “global powers” batok ni Marcos. “Ang EDSA gipangalan nga Epifanio de los Santos Avenue, ang dalan diin gilusad sa CIA-ug-Vatican ang ilang demonstrasyon batok ni Ferdinand Marcos,” matod pa ni Hudes. 

Una, bakak na daan ang pasangil batok sa Vatican. Gihimo nga basehan ni Hudes ang panawagan ni Cardinal Jaime Sin sa katawhan nga magtapok sa EDSA aron panalipdan ang kasundaluhan nga gipanguluhan ni defense chief Juan Ponce Enrile ug vice chief sa militar nga si Fidel Ramos. 

Bisan gipanguluhan ni Sin ang maimpluwensya nga Archdiocese of Manila, ang iyang mga politikanhon nga barugdanan dili susama sa Vatican nga kabahin sa estraktura sa Katoliko nga Simbahan sa Roma. Gani, ang gibuhat ni Sin ang naka mugna’g “discomfort” sa Vatican nga niresulta sa pagpatawag kaniya sa Roma aron siya mo eksplikar. Sa usa ka obituary alang ni Sin, gibutyag niini nga wala uyuni sa Vatican ang panawagan niya sa katawhan nga moadto’g EDSA. 

Tinuod ba nga ang CIA ang nagpaluyo sa EDSA ’86? Dili na bag-o sa CIA ang pagusab sa mga rehimen. Walay igong basehan ang testimonya sa video ni Hudes sanglit walay kredibilidad nga maghisgot niini si San Juan. 

Gibutyag hinuon sa usa ka “declassified” nga dokumento sa CIA nga gitun-an sa gobyerno sa America ang umaabot nga kaparotan ni Marcos ug ang pagpangandam nila sa nagkadaiyang mga senaryo sama sa kon unsaon nila pagimpluwensya sa pagpili sa mohulip kaniya. 

Ang labing sayon nga pagpasabot sa EDSA ’86: Maisugon nga nanghilabot ang mga Pilipino niadtong mga tungura gumikan sa halapad nga tikas sa snap election niadtong Pebrero 1986. Gikapoy na usab sila sa pagka dektador ug kakurap sa pamunuan ni Ferdinand Marcos. 

Sanglit wa’y lig-ong ebidensya sa maong pangangkon, igo ra nga ang nakapalagpot ni Marcos sa iyang pwesto mao ang mga Pilipino nga maisugong nibarog batok sa diktadorya ug pagpamatay sa iyang rehimen. (translation by Ryan Christopher J. Sorote)

 

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.