Namahayag si kanhi senator Ferdinand “Bongbong” Marcos Jr. nga ang mga tawo nga duna’y “clean track record” ang angay ibutang sa mga sensitibo nga mga posisyon sa gobyerno.
PANGANGKON: Gibutyag ni kanhi senador Ferdinand “Bongbong” Marcos Jr. nga dili angay motrabaho sa gobyerno ang mga dunay ‘track record’ sa pagpangawat.
RATING: BAKAK
Sigon sa Facebook post sa digital news ug media site nga kami.com.ph niadtong Peb. 7, gikan ang maong sayop nga pamahayag ni kanhi senador Ferdinand “Bongbong” Marcos Jr.
“Kailangan hindi na makapasok sa gobyerno ang mga may balak magnakaw, yung mga may track record ng pagnanakaw,” matod pa sa sayop nga pamahayag.
Base sa nasuwat sa “About Us” sa kami.com.ph page, kabahin sa ilang “manifesto” ang pagtino sa tinubdan sa mga kasayuran.
Apan wala maapil sa maong sayop nga Facebook post kon asa gikan ug kon kanus-a giluwatan ni Marcos ang maong pangangkon. Bugtong nalakip sa post ang hulagway ug ang maong sayop nga pamahayag.
Dunay kaagi sa mga ‘ill-gotten wealth” o kinawat nga bahandi gikan sa gobyerno ang pamilya’ng Marcos nga makita dinhi ug dinhi.
Gipsabot usab sa maong pamahayag nga daw sa giunay og disqualify ni Marcos ang iyang kaugalingon sa paghupot og posisyon sa gobyerno. Gani, dili gayud angay motrabaho sa gobyerno ang mga kurap. Apan dili kini ang mga tukmang pulong ni Marcos.
Ang maong mga pulong nga gigamit sa kami.com.ph, ang gikan sa Peb. 6 nga tweet sa host sa radyo ug telebisyon nga si Therese “Gang” Badoy Capati, ang igsuon sa kontrobersyal nga Presidential Communications Undersecretary Lorraine Marie Badoy.
Naka-attach sa tweet ni Capita ang hulagway ni Marcos niadtong Peb. 5 niya nga guesting sa “Ikaw Na Ba? The Presidential Interviews on DZBB.” Ang uluhan o news chargen niini nagingon og, “Ex-Sen. Marcos: Kailangan hindi na makapasok ang mga may balak na magnakaw.”
Nasuta nga ang maong pamahayag ni Marcos ug ang chargen, nga managlahi og konteksto, ang gituyo’g usa aron makamugna’g lain nga kahulugan.
Sa maong interbyu, gipangutana si Marcos: ” “Paano niyo po su-solusyonan ang problema sa korapsyon? At kaugnay nyan, nais din po naming malaman ang inyong posisyon tungkol sa pagsasapubliko ng SALN (Statement of Assets, Liabilities and Net Worth) ng mga official ng pamahalaan (Unsaon nimo’g sulbad ang problema sa kurapsyon? Gusto sab namo mahibaw-an ang imong baruganan sa pagpublikar sa SALN sa mga opisyal sa gobyerno)”
Nitubag si Marcos nga ang “red tape” o ang proseso sa burukrasya nag-“breed” og kurapsyon ug nga ang gobyerno ug mga serbisyo niini angay paspasan aron malikayan ang pagbulsa sa mga opisyal og kwarta.
“Kailangan maging mas mabilis, [para] hindi na makapasok ‘yung mga may balak magnakaw,” matod ni Marcos.
Makita dinhi nga ang pamahayag ni Marcos maylabot sa pagbabag sa mga tawo nga dunay track record og pagpangawat ang mayalbot sa pagpaluag sa red tape sa mga transaksyon sa gobyerno.
Ang gipasabot ni Marcos nga ang mga tawo nga angay ibutang sa mga sensitibo nga posisyon sa gobyerno ang kinahanglan dunay limpyo nga track record.
“‘Yung pagpili ng tao ay kailangan, bago ka maglalagay ng tao sa isang posisyon na sabihin natin na delikado dahil maraming dumadaan na pera dahil maraming malaking program yung department na ‘yon, o malaking programa yung agency na ‘yon, ay kailangan piliin mo yung tao na may magandang track record, na walang track record na meron siyang ginawang kalokohan o meron siyang pinag-suspetsyahan siya o napatunayan na meron siyang pagkakamali,” dugang pa niya.
Wala maapil sa quote card sa kami.com.ph ang eksakto nga mga pulong ni Marcos. (translation by Ryan Christopher Sorote)
PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph
PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).