FACT-CHECK: Dili tinuod nga ‘gibarata’ ni VP Leni ang pagpatukod og housing project

PANGANGKON: Ang housing project ni Leni Robredo migamit og mga baratuhon nga mga materyales

RATING: BAKAK

Sa usa ka Tiktok nga video nga naglibot sa Facebook ang nangangkon nga ang pabalay ni Bise Presidente Leni Robredo migamit og dili maayo nga klase sa mga materyales o “gibarat.”

Gi-recycle sa maong video ang karaan nga  “Expectation vs Reality” meme aron ihulagway kun unsa ka substandard ang giingong aktuwal nga housing unit nga gihatag sa Office of the Vice President (OVP) ngadto sa mga nakadawat niini.

Ang user miingon nga “noong ibinida kini sa mainstream media, kay mapapa-bili ka. Kasi nga ‘yung design ng bahay na ‘to ay talagang pang malakasan kumbaga, mapapa-wow ka,” samtang nagpakita sa hulagway sa concept design sa balay.

Sa ulahi, ang user miingon nga ang ilang mga gilauman layo sa kamatuoran tungod kay siya nagpakita sa usa ka hulagway sa housing project nga gikatahong gigamitan og substandard nga mga materyales.

“Ang resulta sa pabalay ni Leni Robredo kay murag gikan sa Lazada. Kana ganing imong gitanaw sa computer, sa cellphone, gi-check nimo, nindot ang sapatos, ug ang sinina. Apan tungod nimo, bati diay!” sigon pa sa user.

Ang maong pangangkon gitawag nga bakak sa Facebook page ni VP Leni kaniadtong Disyembre 2020. Matod sa VP Leni page, ang maong mga balay nga gipakita mga mockup house.

“Ang balay nga gipakita sa hulagway kay usa lang ka mockup aron ang atong partner beneficiaries makakita sa aktuwal nga gidak-on sa balay. Please see [the] first picture dubbed as ‘REALITY,’” sigon sa post ni VP Leni.

Sa samang post, gilakip ni Robredo ang mga litrato sa aktuwal nga housing units.

Usa ka artikulo sa Disyembre 2020 sa ABS-CBN News nagpakita sa usa ka video interview ni Robredo lakip ang mga litrato ug video documentation sa housing project, gikan sa groundbreaking hangtod sa pagtukod sa mga balay. Sa maong artikulo, giawhag ni Robredo ang mga kritiko sa iyang housing project nga motabang imbes nga magpakatap og bakak nga mga pangangkon bahin sa proyekto.

“Imbes nga mag-trolling, baka gusto nilang tumulong na lang silang mag-build. Sweat equity lang, ang gasto sa materyales sa amin,” matod niya.

Atol sa pagdungog sa Senado bahin sa disinformation, ang propesor sa University of the Philippines Journalism nga si Yvonne Chua mibutyag nga si Robredo ang “labing dakong biktima sa disinformation o negatibo nga mensahe.” – Bianca Marie Austero (Gihubad ni Ryan Christopher J. Sorote sa Bisaya)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.