FACT-CHECK: Dili tigtambag ni VP Leni Robredo si Joma Sison

PANGANGKON: Giangkon ni Joma Sison ug ang Communist Party of the Philippines nga tigtambag siya sa kampanya ni VP Leni Robredo sa pagka presidente. 

RATING: BAKAK! 

Niadtong Abril 21, gibalita sa Journal News nga namasangil nga niangkon ang founder sa Communist Party of the Philippines (CPP) ug kasamtangang chief political consultant sa National Democratic Front of the Philippines (NDFP) nga si Joma Sison nga gikataho’ng tigtambag siya ni bise presidente Leni Robredo ug tigpamaba niini nga si Atty. Barry Gutierrez.

Nalakip sab sa report nga gisuwat sa usa ka Lee Ann P. Ducusin ang gikataho nga pamahayag ni Sison gikan sa Ang Bayan, ang ilang opisyal nga mantalaan, nga gikatahong mikompirmar sa impluwensya sa CPP sa kampanya ni Robredo. 

Sigon sa reprot, usa ka “intelligence officer” ang gikataho nga nipahibaw sa maong “tactical intel report” sa Journal News nga niabisi nga si Gutierrez ang kakunsabo sa CPP. Matod sa report, mahinungdanon si Gutierrez alang sa dialogo tali ni Robredo ug Sison. 

Gi-share usab ni Sen. Panfilo “Ping” Lacson pinaagi sa tweet ang report, dungan sa pasaring nga daw sa despirado na kaayo ang kampo ni Robredo nga makadaog. Nigawas usab sa telebisyon ang report sa primetime news broadcast nga Net25 sa “Mata ng Agila.”

ANG KAMATUORAN: 

Gikundina ni Sison pinaaga sa usa ka pamahayag niadtong Abril 22 ang istorya sa Journal News nga iyang gihulagway nga “fake news.”

Gihimakak ni Sison ang report ug sukad-sukad, wala gyud niya matambagi o maka istorya si Robredo ug Gutierrez. Giklaro usab niya nga wala gayud siya mahinabi sa Journal News. 

Sa usa ka tweet, gitawag sa Chief Information Officer sa CPP nga si Marco Valbuena ang maong istorya nga tumo-tumo o bakak nga gigama sama’g tinuod nga balita. 

Giklaro ni Valbuena nga wa’y gipagawas nga bisan unsa nga kasayuran Ang Bayan nga nagpaluyo ni Robredo. Gitawag niya nga basura ang istorya sa Journal News. 

Sa iyang bahin, gihulagway kini ni Gutierrez nga usa ka “absolute lie!” 

Gipagawas sa Journal News ug Net25 ang maong balita dungan sa serye sa mga disimpormasyon nga suway nilambigit ni Robredo ug ubang mga sakop sa oposisyon sa mga komonista. Pipila na usab ka mga fact-check articles gikan sa #FactFirstPH ang niklaro ug nipahimakak sa maong mga pasangil. 

Dili kini ang unang higayon nga dunay susma nga mga istorya nga gisuwat si Ducusin. Pipila na usab siya kahigayon nisuwat og mga estorya nga nag-redtag ug nag-red scare. Sa maong mga report, wala kini tarong nga mga tinubdan, interbyu ug mga ebidensya. Ug kon duna man gani interbyu, mga kadudahan. 

Mga igsuong kompanya sa Journal News ang People’s Journal, People’s Tonight ug Women’s Journal nga pulos ubos sa ilang mother company nga Philippine Journalists Inc. nga gipanagiya ni Leyte 1st District Representative Ferdinand Martin Romualdez, igaagaw ni Ferdinand “Bongbong” Marcos Jr., kaatabang ni Robredo sa pagka presidente.

NGANO IMPORTANT KINI?

Dili na bag-o ni VP Robredo nga gipasanginlan siya nga kakunsabo sa mga komonista aron dauton ang iyang pagkatawo ug ang iyang kandidatura pagka presidente. Kapil na usab gihimakak sa kampo ni Robredo ang tanang mga susma nga mga wa’y basehan nga mga pasangil batok kaniya. (Vivian Vera, Altermideya/paghubad ni Ryan Christopher J. Sorote)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.