FACT-CHECK: Anak ni Bongbong Marcos, naadawan ti palso a sao nga ni tatang na ket “adik” ken “awanan plano maipanggep kadagiti plataporma na.”

CLAIM: Kuna tay putot ni Ferdinand Marcos Jr. a dati nga adik ti droga ni tatang na, ken awanan plano maipanggep kadagiti plataporma na.

RATING: PALSO

 
Kas la paruaren ti maysa nga nagwaras a quote card nga inbaga bayat ti interbyu ni William Vincent Marcos, buridek ni Ferdinand “Bongbong” Marcos Jr., nga dati nga adik ken awanan plano maipanggep ti plataporma ti nasao a kandidato para presidente.

Ininterbyu ngamin ni talk show host Boy Abunda toy ubing a Marcos agraman ni nanang na a ni Louise “Liza” Araneta-Marcos, asawa ni Marcos Jr. Ti nasao a quote card, ipakita na nga kas la naggapu diay sao ni Vincent diay interbyu, ken nai-post idiay “The Boy Abunda Talk Channel” idi Marso 9, 2022.

Addaanen ti nga nasurok 1.8 milyon a views diay YouTube daytoy nasao nga interbyu, a maipanggep ken ni Marcos Jr. a kas ama ken asawa, malaksid ti dadduma pay nga detalye kas kadagiti banag a haan na kayat ken koleksion na ti paltog ken libro.

Pakdaar ni Abunda nga immay iti atensyon ti grupo da daytoy nagwaras nga ladawan ken maparparuar a sao ni Vincent nga naggapu kanu diay interbyu, ket ti adaw manipud diay ubing a Marcos ket adik kanu ti ama na.

“Our attention has been drawn to a false quote card that has been circulating on social media bearing the photo of William Vincent Marcos with a statement allegedly from his interview with Boy Abunda saying that his father, presidential candidate Bongbong Marcos was an addict,” kuna ti statement.

Nayon pay ti statement ni Abunda nga addaan caption diay nasao nga quote card nga nagkuna a diay adaw ket nagtaud mismo ken Vincent nga anak ni Marcos isu nga awan ti makababalaw nga adik tay nasao a kandidato, ngem haan a pudno daytoy ken haan a pudno nga parte daytoy diay interbyu, isu nga binigbig ni Abunda nga daytoy ket palso ken mangallilaw laeng.

“The graphic or quote card was posted with the caption, ‘Sa anak na nya galing yan ha. Ngayon nyo sabihin na hindi addict ang kandidato nyo,’ and made it appear that the quote therein is from an interview with Boy Abunda. This is false and manipulated content.”

Kuna pay ti pakdaar nga ti kastoy nga damag wenno impormasyon ket delikado ken malisyoso, haan a nagramut ti kinapudno, isu nga malaksid ti panangallilaw ken panang-biktima kadagiti netizens, ti kastoy nga pamadpadakes ket makadadael ti reputasyon ti pada ni Abunda a host, pati payen ti programa ken guests.

“We are aware that a lot of netizens have fallen victim to this malicious form of dangerous information and communication materials, not founded in fact, and has the potential to incite backlash against any guest, host, program, or defame their character.”

Gapu ti daytoy a napasamak, inawagan ni Abunda ti publiko babaen ti pakdaar na nga masapul nga agsardeng ti panagiwaras ti pamadpadakes ken impormasyon nga awan paneknek na.

“We appeal to the public to stop sharing fabricated and unverified information,” kuna ti statement.

Ni William Vincent Marcos a maaw-awagan pay ti “Vinny” ket agtawen ti 24 ken addaan trabaho kas software engineer idiay Singapore. Isu ti maikatlo nga anak da Bongbong ken Liza Marcos. Manungen na da Joseph Simon ken Ferdinand Alexander III wenno Sandro, nga tumartaray met para congressman ti umuna a distrito ti Ilocos Norte.

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.