Doble so lamang nen Marcos kinen Robredo ed Pulse Asia survey, aliwan 33%

Claim: Akaala si Marcos na 33% lead ed Abril 16-21 survey na Pulse Asia

Rating: PALSO

FACT-CHECK | Percentage points, aliwan porsiento: Aliwan 33% so lamang nen Marcos Pulse Asia survey

Sangiyan nen Marcos a Vic Rodriguez alingon angusar na porsiento ed pangibaga toy lamang nen Ferdinand Marcos Jr. kinen Vice President Maria Leonor “Leni” Robredo ed balon survey na Pulse Asia.

Akaala si Marcos na 56% a suporta ed survey nen Abril 16-21, legan si Robredo et nakaala na 23%. Inala labat nen Rodriguez so pandumaan tan pinauloan toy press statement to ya “On the 33% lead in the latest Pulse Asia survey a week before elections (Lamang na 33% ed balon Pulse Asia survey sakey simba antis na panagbotos).”

Agsusto ya. Pandumaan na dwaran porsiento et percentage points (see this guide). Sussusto balet aga mainomay. Katon ed balon Pulse survey, akalamang si Marcos na 33-percentage point adino 33-point lead a manuna ed Robredo.

No nibagay 33-point lead et “33%” kulang ni ta say katuaan doble ni so laman nen Marcos ed si Robredo.

Amayamay so dapat mangilaktip ed pamaakaran na survey literacy. Balet say sankaimportantia et panangitrato ed survey a manangiya aga sussusto o dugarugan mangipasakbay na resulta na eleksyon.

Mangipapanengneng labat so survey no antoy gabay na pigpigaran totoo ed antikey a panaon ya agawa may survey. Dakel ni so nayarin nagawa manlapod natan anggad agew na eleksyon.

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.