FACT-CHECK: An Nobel prize in diri la para han mga imbentor

AN SIRING: An Nobel prize in diri la para han mga imbentor

RATING: DIRI TINUOD

Usa nga Twitter user nga hi Edwin Zalameda in nag-share hin usa nga quote card mahiunong han Nobel Prize medal nga may-ada pakiana nga ““diba ang NOBEL PRIZE ay para sa mga imbentor? (diba an NOBEL PRIZE in para la ha mga imbentor”)

Pero, ini nga iya siring nga an Nobel Prize in para la hin pagkilala han mga imbentor in DIRI TINUOD.

An nasabi nga social media card may-ada gihapon picture han National Scientist Dr. Fe del Mundo. An card nagsisiring nga hiya an nag-imbento han incubator pero waray makakarawat han Nobel Prize (Usa ini nga himangrawon ha iba pa nga fact check). Hi Ressa, ha lain nga bahin, in gintatamay han nasabi nga social media card, diin gintawag hiya nga “nag-imbento hin balita” pero nagdaog han Nobel Prize.

Hi Zalameda nag-tweet han card nga may-ada caption “Korek!” nga may-ada natawa ngan naka-peace sign nga emoji. Ini nga tweet nakapag-tala hin 190 nga retweets ngan 570 nga likes.

An Nobel Prize in igin-himugso han Swedish nga chemist, engineer, ngan industrialist nga hi Alfred Nobel han iya pagperma han Nob. 27, 1895, han iya ika-tulo ngan urhi nga will (last will) nga naghahatag han iya bug-os nga nasasalin nga karikohan para paghatag hin “premyo ngadto han mga, ha masunod nga tuig, naghatag hin pinaka-dako nga benepisyo ngada han katawhan’. Hi Nobel, ha iya will, nagpili hin lima nga larangan nga kikilal-on: Phyisics, Chemistry, Physiology o Medisina, Literatura, ngan Peace o Kamurayaw. Waray dida han kan Nobel will nagsisiring nga an mga imbentor la an magdadaog han premyo. Bisan ha website han Nobel Prize waray makikita hini nga requirement.

Hi Ressa ngan an iya kausa han pagkarawat han 2022 Peace Prize, nga hi Dmitry Muratov, in mga mamamahayag.

Hi Mother Theresa han Calcutta, usa nga Catholic religious nga misyonaryo ngan an nagtukod han Missionaries of Charity, nakadaog han Nobel Peace Prize han 1979. An dati nga president han Estados Unidos nga hi Barack Obama nakadaog hin pareho nga award han 2009. An iba nga presidente han US nga nakadaog han Nobel Peace Prize amo hira Theodore Roosevelt (1906), Woodrow Wilson (1919) ngan Jimmy Carter (2002). –Rommel Lopez (Translated by Aboy Abayan)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH believes that fact-checking is essential to combating misinformation and disinformation, and in informing and educating citizens and voters. Read more of PressOne.PH’s Fact-Checking Policy by clicking here.

The public is welcome to send feedback or requests for fact-checks at factcheck@pressone.ph.